Haus NES2014-118
Squeezy Sport Nutrition
Leit
┴hugavert
Skrßningar Ý hlaup
Hlaupaprˇf
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Hlaupadagbˇk 110x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
20.04.2017 - VÝ­avangshlaup ═R

Víðavangshlaup ÍR fer fram í 102. sinn á sumardaginn fyrsta auk þess fer Grunnskólahlaup ÍR fram í 2. sinn og í fyrsta sinn verður boðið upp á 2,7 km skemmtiskokk.

Víðavangshlaup ÍR var fyrst haldið á sumardaginn fyrsta árið 1916 og hefur síðan þá verið órjúfanlegur þáttur í hátíðarhöldum Reykjavíkurborgar, en enginn íþróttaviðburður hér á landi á jafn langa samfellda sögu og Víðavangshlaup ÍR. Frekari upplýsingar um sögu hlaupsins er hér auk þess eru upplýsingar á Facebooksíðu hlaupsins.

Hlaupið er 5 km langt og liggur leiðin um hjarta borgarinnar. Um þrefalda keppni er um að ræða og verða veitt verðlaun fyrir hverja þeirra:

Grunnskólamót er keppni á milli grunnskóla á höfuðborgarsvæðinu og er efnt til þess í annað sinn. Hlaupið er um 2,7 km langt en þátttakendur eru ræstir 10 mínútum á eftir þátttakendum í Víðavangshlaupinu og hlaupa seinni hluta hlaupaleiðar Víðavangshlaupsins. Í Grunnskólamótinu gildir að vera með. Sá skóli sigrar sem á hæsta hlutfall nemenda sem ljúka hlaupinu undir 25 mínútum.

VÍR skemmtiskokk er til þess að koma til móts við þá foreldra og börn sem vilja gera sér glaðan dag á fyrsta degi sumars og hlaupa saman um miðbæ Reykjavíkur. Hlaupaleiðin er sú sama og í Grunnskólamótinu.

Tími og staðsetning
Sumardaginn fyrsta 20. apríl nk. Víðavangshlaup ÍR er ræst kl. 12:00 í Tryggvagötunni við Pósthússtræti. Grunnskólamót og skemmtiskokk VÍR er ræst kl. 12:10 í Lækjargötunni fyrir framan MR.

Þátttakendur eru hvattir til þess að mæta tímanlega á keppnisstað og hafa hugfast að það getur tekið tíma að leggja bílum í miðbæ borgarinnar. Ráðlagt er að leggja í bílastæði Hörpunnar meðan rúm leyfir.

Vegalengd
Hlaupaleið Víðavangshlaups ÍR er 5 km, mæld og viðurkennd af Frjálsíþróttasambandi Íslands (FRÍ). Grunnskólahlaup ÍR og skemmtiskokk VÍR er 2,7 km og er ekki viðurkennd af FRÍ.

Skráning og afhending gagna
Forskráning er á hlaup.is til miðnættis 19. apríl. Þátttökugjaldið hækkar eftir miðnætti þriðjudaginn 18. apríl (hærra gjald 19. apríl) og eru þátttakendur því hvattir til að forskrá sig tímanlega á hlaup.is. Forskráning fer jafnframt fram í ÍR heimilinu miðvikudaginn 19. apríl á milli kl. 16:30 og 19:00.

Skráning á hlaupadag. Unnt er að skrá sig á keppnisdag, frá kl. 09:30-11:00 eða þar til 60 mínútum fyrir hlaup, keppendur eru vinsamlegast beðnir um að virða tímamörkin.

Afhending gagna. Forskráðir geta sótt gögnin sín í ÍR heimilinu, Skógarseli 12, miðvikudaginn 19. apríl á milli kl. 16:30 og 19:00. Afhending gagna á hlaupadegi verður á kepnisstað á milli kl. 09:30 og 11:00 eða þar til 60 mínútum fyrir hlaup. Þátttakendur eru vinsamlegast beðnir um að virða þau tímamörk.

Þátttökugjöld

Grein Val um medalíu

13. feb - 18. apr

19. apr - 20. apr

5 km Víðavangshlaup ÍR, 15 ára og yngri Medalía

1.300 kr

2.000 kr

5 km Víðavangshlaup ÍR, 16 ára og eldri Medalía

2.200 kr

3.300 kr

5 km Víðavangshlaup ÍR, 16 ára og eldri Án medalíu

1.800 kr

2.800 kr

2,7 km Skemmtiskokk VÍR, 12 ára og yngri (árg. 2005 og yngri) Medalía

700 kr

700 kr

2,7 km Skemmtiskokk VÍR, 16 ára og eldri Medalía

1.500 kr

2.000 kr

2,7 km Skemmtiskokk VÍR, 16 ára og eldri Án medalíu

1.000 kr

1.500 kr

2,7 km Grunnskólamót. Árg. 2001-2004 Medalía

0 kr

0 kr

Hlaupaleið og merkingar
Hlaupið hefst í Tryggvagötu við Pósthússtræti. Hlaupið er upp Hverfisgötu og Barónsstíg og þar beygt niður Laugaveginn. Hlaupið er niður Laugaveg og Bankastræti að Lækjargötu og þar er beygt til vinstri suður Lækjargötu, Fríkirkjuveg og Sóleyjargötu inn á Gömlu Hringbrautina þar sem tekinn er snúningur og hlaupið til baka norður Sóleyjargötuna, beygt vestur Skothúsveg að Tjarnargötu sem hlaupin er framhjá Ráðhúsinu að Kirkjustræti.  Hlaupið eftir Kirkjustræti meðfram Austurvelli, Alþingishúsinu og Dómkirkjunni og beygt til vinstri norður Pósthússtræti. Mark er í Pósthússtræti (við Hitt Húsið). 

PDF kort af leiðinni.

Kílómetrar og beygjur eru vel merktar með fánum og starfsmenn hlaupsins munu vakta helstu staði. Annars eru þátttakendur hvattir til að kynna sér vel leiðarkort við skráningu í Hörpunni eða hér fyrir neðan. Þátttakendur eiga jafnframt að kynna sér reglur hlaupsins [hér].

Tímataka
Hver hlaupari færi tímatökuflögu með sínum skráningargögnum. Án flögu fæst enginn tími og flagan virkar eingöngu sé hún fest á skó. Skila þarf tímatökuflögum eftir hlaup. Flögutími gefur nákvæman persónulegan árangur hlaupara, óháð hve aftarlega í hópnum hann var við ræsingu. Einnig er tekinn tími frá því að startskot ríður af, sem kallast byssutími en það er sá tími sem gildir í keppninni og úrslit  eru ákvörðuð út frá honum eins og alþjóðlegar reglur um lögleg götuhlaup segja til um.

Tímatöku og brautarvörslu lýkur 60 mínútum eftir að hlaupið er ræst, kl. 13:00

Úrslit verða birt í rauntíma auk þess sem tímar verða sendir í sms-i til hlaupara. Úrslit fyrir verðlaunasæti eru staðfest við verðlaunaafhendingu en að öðru leyti telst birting úrslita á timataka.net sem lögleg birting á úrslitum.

Athugið. Samkvæmt reynslu síðustu ára koma alltaf upp einhverjar villur í stórum hlaupaviðburði á við Víðavangshlaupi ÍR sem þarf að lagfæra t.d. vegna þess að tímatökuflögur hafa ruglast milli fólks eða önnur mannleg mistök. Í langflestum tilvikum þá leysast slíkar villur og eru endanlega leiðrétt úrslit birt eigi síðar en miðnætti 22. apríl  2017 á hlaup.is. Ábendingar um villur eða ef tíma vantar skal senda á hlaupstjóra eigi síðar en miðnætti 21. apríl með upplýsingum um nafn, kennitölu, hlaupanúmer og áætlaðan tíma og við reynum að lagfæra úrslitin sem allra fyrst. Einnig er gott að fá upplýsingar um einhverja sem þú þekkir og komu á svipuðum tíma í markið.

Endanleg úrslit verða birt 22. apríl á ir.is þar sem þar verða formleg úrslit hlaupahaldara birt, en þau verða jafnframt birt á hlaup.is. 

Drykkjarstöðvar
Boðið er upp á vatn og Poweradedrykki að hlaupi loknu. 

Aldursflokkar
Keppt er í karla- og kvennaflokki í eftirfarandi aldursflokkum:

  • 12 ára og yngri,
  • 13-15 ára,
  • 16-18 ára,
  • 19-29 ára,
  • 30-39 ára,
  • 40-49 ára,
  • 50-59 ára,
  • 60-69 ára
  • 70 ára og eldri.

Verðlaunaafhending
Verðlaunaafhending fer fram við marksvæði kl. 12:45.

  • Þátttakendur yngri en 15 ára fá þátttökuverðlaun, en öðrum gefst kostur á að kaupa þátttökupening samhliða skráningu. Þátttökupeninga þarf að vitja við marksvæðið.
  • Hlauparar sem hljóta útdráttarverðlaun fá afhenta miða þegar þeir koma í mark og verða að vitja vinninga við marksvæði. Ekki verður unnt að vitja útdráttarverðlauna eftir 14:30 á hlaupadag.
  • Veitt eru verðlaun fyrir þrjá fyrstu í mark í karla- og kvennaflokki auk þess sem sigurvegarar í karla- og kvennaflokki hljóta meistaratign í 5 km götuhlaupi.
  • Veitt eru verðlaun fyrir fyrsta karl og fyrstu konu í mark í öllum aldursflokkum.

Salerni og fatageymsla
Salernisaðstaða verður við bílastæðahúsið Kolaportið við Kalkofnsveg 1 og í Hörpunni. Fatageymsla verður í bílastæðahúsinu.    

Reglur
Í götuhlaupum á vegum Frjálsíþróttadeildar ÍR gilda reglur alþjóðafrjálsíþróttasambandsins IAAF um götuhlaup sem sjá má á vef Frjálsíþróttasambands Íslands og reglur FRÍ um framkvæmd götuhlaupa. Reglur FRÍ gilda um meistaramót Íslands þ.m.t. sveitarkeppni. Til viðbótar við þær reglur gilda einnig eftirfarandi frjálsíþróttadeildar ÍR um götuhlaup á vegum félagsins og eiga þátttakendur að kynna sér þær hér.

Aðrar upplýsingar
Þar sem um götuhlaup er að ræða og umferð er mikil á hluta leiðarinnar eru þátttakendur beðnir að sýna varúð. Brautarvarsla verður við þau gatnamót þar sem umferð er þyngst. Mælst er til þess að öryggisástæðum að þátttakendur séu ekki að hlusta á tónlist með símum, iPod eða 0ðrum álíka tækjum í hlaupinu. Einnig er mælst til þess að þátttakendur hlaupi ekki með hlaupakerrur eða álíka (baby joggers). 

Grunnskólahlaup
Grunnskólahlaup verður ræst í Lækjargötunni fyrir neðan túnið við Menntaskólann í Reykjavík á sumardaginn fyrsta, fimmtudaginn 20. apríl kl. 12:10. Hlaupið er 2,7 km og hlaupa grunnskólanemar ásamt öðrum hlaupurum í Víðavangshlaupi ÍR þann hluta leiðarinnar sem eftir er. 

Allir grunnskólar landsins geta tekið þátt í hlaupinu. Keppnin er fyrir nemendur í 7. til 10. árgangi (ungmenni fædd 2001, 2002, 2003 og 2004) og er grunnskólanemum að kostnaðarlausu. 

Skráning í Grunnskólahlaupið fer fram hér á hlaup.is samhliða venjulegri skráningu í hlaupið.

Sömu reglur gilda um Grunnskólahlaupið eftir því sem við á og um Víðavangshlaup ÍR og hvetjum við skólafólk til að kynna sér þær vel. Nemendur geta ekki tekið þátt í báðum hlaupunum eða látið þátttöku í 5 km hlaupinu gilda í Grunnskólahlaupi.

Ábyrgðarmenn
Inga Dís Karlsdóttir, hlaupsstjóri, ingadis@gmail.com.

 

Til baka
 
 
Athugasemdir
 
 
Settu inn athugasemd:













 
S═BS Inov8 600
Hlaupanßmskei­ hlaup.is 160
HvÝtt bil 5 ß hŠ­ - 3
Könnun
Stefnir ■˙ ß a­ hlaupa mara■on erlendis Ý ßr?
Jß, Ý einu af sex stˇru
Nei, en langar virkilega
Nei
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is