Haus NES2014-118
Squeezy Sport Nutrition
Leit
┴hugavert
Skrßningar Ý hlaup
Hlaupaprˇf
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Hlaupadagbˇk 110x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
20.05.2017 - SvÝnaskar­ (Fjallvegahlaup)

Laugardaginn 20. maí kl. 10:00 verður efnt til sérstaks fjallvegahlaupabókarhlaups yfir Svínaskarð, frá Hrafnhólum við Leirvogsá að Vindáshlíð í Kjós. Hlaupið tengist fjallvegahlaupaverkefni Stefáns Gíslasonar sem hófst 2007 og lauk með útgáfu bókarinnar Fjallvegahlaup á sextugsafmæli Stefáns 18. mars sl. Í lok hlaupsins verður efnt til samkomu í Vindáshlíð, þar sem bókin verður kynnt og seld og árituð - og boðið upp á léttar veitingar. Væntanlega verða allir komnir í hús þar í síðasta lagi kl. 13.00.

Til að komast að Hrafnhólum er ekið sem leið liggur inn Mosfellsdal. Um 2 km ofan við Gljúfrastein (um 7 km ofan við hringtorg í Mosfellsbæ) er beygt til vinstri þar sem skilti bendir á Hrafnhóla. Frá skiltinu eru um 3 km að þeim stað þar sem hlaupið byrjar.

Fjallvegahlaupaverkefnið og bókin 
Fjallvegahlaupaverkefnið var tómstundagaman Stefáns, en verkefnið gaf hann sjálfur sér í fimmtugsafmælisgjöf árið 2007 í þeim tilgangi að halda sér í formi á sextugsaldrinum, að kynnast landinu sínu og vekja áhuga annarra á útivist og hreyfingu. Líta má á bókina sem út kom á sextugsafmælinu sem eins konar uppgjör á verkefninu, en þar er að finna lýsingar á þeim 50 fjallvegum sem Stefán hljóp á þessu 10 ára tímabili, ásamt með kortum af leiðunum, GPS-punktum, ferðasögum og myndum. Bókina er m.a. hægt að kaupa í vefverslun Bókaútgáfunnar Sölku, þar sem lesendum hlaup.is býðst að kaupa hana á sérsöku tilboðsverði (5.000 kr í stað 5.900 kr). Til að fá afsláttinn skal slá inn afsláttarkóðann „HLAUP" í þar til gerðan reit þegar gengið er frá kaupunum (sjá https://www.salka.is/products/fjallvegahlaup).

Leið nr. 10: Svínaskarð
Leiðinni yfir Svínaskarð eru gerð skil á bls. 70 í Fjallvegahlaupabókinni, en leiðin var sú tíunda í röðinni í fjallvegahlaupaverkefni Stefáns, hlaupin á uppstigningardag, 21. maí 2009. Þá var hlaupið af Esjumelum upp að Vindáshlíð, sem mældust samtals 19,53 km. Spölurinn frá Esjumelum að Hrafnhólum er um 6 km, en ætlunin er að sleppa þeim kafla að þessu sinni til að gera leiðina alþýðlegri.

Meginreglan
Í hlaupinu þann 20. maí gilda sömu meginreglur og ævinlega hafa gilt í fjallvegahlaupum Stefáns, þ.e. að öllum er velkomið að taka þátt, enda er maður manns gaman. Þátttakan er þó alltaf á ábyrgð hvers og eins.

Skráning og flutningar
Nauðsynlegt er að skrá sig til þátttöku í hlaupinu yfir Svínaskarð, þannig að hægt sé að sjá hlaupurum fyrir nægum veitingum við endamarkið. Skráning fer fram á síðunni https://nvite.com/Fjallvegahlaup/lonmn9, (Register). Þátttakendur þurfa sjálfir að koma sér á upphafspunktinn og frá lokapunktinum.

Þátttökugjöld, tímataka og veitingar
Engin þátttökugjöld eru í hlaupinu, enda verður þetta fríhlaup (e. „free running") í tvennum skilningi. Engin formleg tímataka er heldur í hlaupinu, heldur má nota skeiðklukkur og dagatöl að vild. Hlaupið eru ekki keppnishlaup, heldur er mælt með því að þátttakendur fylgist að, allir saman eða í smærri hópum. Sem fyrr segir verður boðið upp á veitingar að hlaupi loknu, en engar drykkjarstöðvar verða á leiðinni umfram þær sem finna má í hverjum læk.

Úrslit og verðlaun
Úrslit hlaupsins (les: brot úr ferðasögu) verða væntanlega birt í formi bloggpistils á síðunni www.fjallvegahlaup.is. Einu verðlaunin verða minningarnar sem sitja eftir að hlaupi loknu. Þær verða að öllum líkindum góðar.

 

Til baka
 
 
Athugasemdir
 
 
Settu inn athugasemd:













 
Hlaupanßmskei­ hlaup.is 160
HvÝtt bil 5 ß hŠ­ - 3
Könnun
Stefnir ■˙ ß a­ hlaupa mara■on erlendis Ý ßr?
Jß, Ý einu af sex stˇru
Nei, en langar virkilega
Nei
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is