Haus NES2014-118
Squeezy Sport Nutrition
Leit
┴hugavert
Skrßningar Ý hlaup
Hlaupaprˇf
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Hlaupadagbˇk 110x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
10.06.2017 - Ultra Valley Run

Ultra Valley Run fer fram í þriðja sinn laugardaginn 10. júní næstkomandi. Í ár er boðið upp á þrjár vegalengdir. Leið A, (Challenger) 36 km hringur. Leið B, (Fast way)28 km bein leið. Leið C, (Fun Run) 10 km. Hlaup A og B eru opin öllum sem náð hafa 16 ára aldri en hlaup C er opið öllum 12 ára og eldri. ATH: Vegalengdir hlaupaleiða eru áætlaðar en nokkuð nærri lagi.

Staðsetning og tímasetningar
Öll hlaupin eru ræst á sama tíma kl. 11:30, laugardaginn 10. júní 2017 fyrir ofan afleggjarann við félagsheimilið Húnaver. Vegalengdir A (Challenger) og C (Fun Run)   enda á sama stað og þau eru ræst en vegalengd B (Fast way) endar úti í Laxárdal hjá afleggjaranum við Balaskarð. Þaðan verður keppendum ekið fram í Húnaver að hlaupi loknu.

Búningsaðstaða og gisting
Félagsheimilið Húnaver er staðsett á mótum Svartárdals og Langadals þar sem þjóðvegur 1 liggur upp Vatnsskarð. Í Húnaveri er hægt að kaupa gistingu og svefnpokapláss. Gott tjaldstæði er á staðnum með rafmagni, snyrtingu og sturtum. Símanúmer Húnavers er 452-7110

Skráning og verð
Þátttaka í lengri hlaupin, A og B kostar kr.3.000.-  og  í hlaup C kr. 1.000.
Forskráning fer fram á hlaup.is, hún hefst 05. maí og lýkur miðvikudaginn 7. júní kl. 24:00. Einnig er hægt skrá sig í Sérverslun hlauparans, Afreksvörum Glæsibæ til kl. 17:00 föstudaginn 9. júní og í Húnaveri að morgni keppnisdags, 10. júní milli kl. 10:00 og 11:15.
Greiða þarf þátttökugjald við skráningu, skráning er ekki gild nema þátttökugjaldið sé greitt. Allir þátttakendur þurfa að samþykkja skilmála hlaupsins við skráningu.
Þátttökugjöld fást ekki endurgreidd en hægt er að gera nafnabreytingu á skráningu til kl. 17:00 fimmtudaginn 8. júní í Sérverslun hlauparans, Afreksvörum Glæsibæ. Sími:553-1220
Keppnisgögn verða afhent í Húnaveri keppnismorgunn milli kl. 10:00 og 11:15.
Nánari upplýsingar gefur Daníel Smári.  Netfang: afrek@afrek.is Sími:896-2820.

Leiðarlýsing
A (Challenger) - Hlaupið er ræst við hliðið fyrir ofan Húnaver. Hlaupið er að bænum Þverárdal. Þaðan er hlaupið út Laxárdal að Litla Vatnsskarði. Þá er hlaupið yfir Litla Vatnskarð yfir í Víðidal en þar er leiðin tæplega hálfnuð, 16,1 km. Hlaupið er inn Víðidalinn að Þröngadal. Þá liggja að baki 25 km. Síðan er hlaupið niður þröngan árfarveg niður að Þverárdal og liggja þá 33,5 km að baki. Þá er aðeins endaspretturinn eftir niður að Húnaveri, tæpir 2,5 km.

B (Fast Way) - Hlaupið er ræst við hliðið fyrir ofan Húnaver. Hlaupið er að bænum Þverárdal. Þaðan er hlaupið út Laxárdal að Litla Vatnsskarði. Svo er hlaupið áfram út Laxárdal alla leið að Balarskarði þar sem hlaupið endar.

B (Fun Run) -  Hlaupið er ræst við hliðið fyrir ofan Húnaver. Hlaupið er að bænum Þverárdal. Þaðan er hlaupið ca 2,5 km út Laxárdal, snúið við og hlaupin nánast sama leið til  baka og endað á sama stað og ræst var.

Undirlag hlaupaleiðanna er mjög fjölbreytt. Hlaupin í ár eru að mestu hlaupin eftir kindagötum og vegaslóðum en einnig um móa, mýrar, mela, þúfur, yfir ár og læki og eftir grónum grasbölum.

Aldursflokkar

  • 16 ára og yngri
  • 16-29 ára
  • 30-39 ára
  • 40-49 ára
  • 50-59 ára
  • 60-69 ára
  • 70 ára og eldri

Keppt í þriggja manna sveitakeppni óháð aldri og kyni í öllum vegalengdum. Auk þess er keppt í 1x3 sveitarkeppni þar sem einn keppandi í hverri vegalengd mynda 3 manna sveit. Sami einstaklingur má vera skráður í sveitarkeppni í sinni vegalengd og líka í 1x3 sveit. Samanlagður tími sveitarmeðlima í hverri og einni sveit ákvarðar sætin. Sú sveit sem hefur lægsta samanlagða tímann í sveitarkeppnunum hlýtur verðlaun

Verðlaun
Þeir hlauparar sem ljúka hlaupinu hljóta þátttökuverðlaun.
Verðlaun eru veitt fyrir fyrstu þrjú sætin í hverjum aldursflokki  karla og kvenna í öllum keppnisvegalengdum
Auk þess eru eftirfarandi viðurkenningar veittar: Þrír fyrstu karlar og þrjár fyrstu konur í öllum vegalengdum hljóta sérverðlaun..
Verðlaunaafhending fer fram við félagsheimilið Húnaver að loknu hlaupi.

Reglur

  • Þátttakendur skuldbinda sig til að fylgja vel merktri stikaðri leið og skila sér á sem skemmstum tíma í mark.
  • Virðið náttúruna. Það er stranglega bannað að kasta rusli af neinu tagi af sér á leiðinni.
  • Klæðist viðeigandi klæðnaði miðað við veðurspá.
  • (Keppnisstjóri getur gert kröfu um klæðnað miðað við aðstæður og ekki hleypt keppendum af stað nema í viðeigandi klæðnaði)
  • Hafið með nóg af næringu og vökva (ekki er boðið upp á vökva eða næringu í hlaupinu).
  • Keppnisnúmerið verður að sjást vel allt hlaupið.
  • Keppnisstjóri getur dæmt keppendur sem ekki hlýða reglum úr keppni.
  • Keppnisstjóri getur aflýst keppni vegna ytri aðstæðna eða af öðrum ástæðum ef hann metur það svo.
  • Keppendur hlaupa á eigin ábyrgð - hvorki keppnisstjóri né keppnishaldarar eru ábyrgir gagnvart keppendum varðandi meiðsli, veður, náttúruhamfarir eða annað.

Keppnisstjóri mælir eindregið með því að keppendur taki eftirfarandi með sér í hlaupið:

  • Plastbolla eða brúsa til að drekka vökva úr ám og lækjum á leiðinni
  • Farsíma
  • 0,5 lítra af vökva
  • Hlaupabakpoka, vesti,drykkjarbelti eða 500 -750 brúsa
  • Næringu til að innbyrða á leiðinni
  • Vind- og vatnsfráhrindandi jakka
  • Húfu og Hanska
  • GPS hlaupaúr eða annað leiðsögutæki
  • Hlaupaskóhlífar

Nánari upplýsingar
Nánari upplýsingar gefur Daníel Smári.
Netfang: danielsmari@icloud.com
Sími: 896-2820

Til baka
 
 
Athugasemdir
 
 
Settu inn athugasemd:













 
S═BS Inov8 600
Hlaupanßmskei­ hlaup.is 160
HvÝtt bil 5 ß hŠ­ - 3
Könnun
Stefnir ■˙ ß a­ hlaupa mara■on erlendis Ý ßr?
Jß, Ý einu af sex stˇru
Nei, en langar virkilega
Nei
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is