Valur Skokk er með æfingar þrisvar sinnum í viku. Á þriðjudögum kl. 17,30 eru sprett- eða brekku- æfingar, á fimmtudögum kl 17:30 er alla jafna tempóhlaup og á laugardögum kl. 9,30 er tekið langt og rólegt hlaup. Lagt er upp frá Valsheimilinu við Hlíðarenda en hlaupaleiðir og vegalengdir eru breytilegar m.t.t. fjölda, áhuga og getu þátttakenda en úrval góðra hlaupaleiða er á svæðinu. Hópurinn hefur heimild til að nýta aðstöðuna að Hlíðarenda til að skipta um föt, teygja og þess háttar.   Hjá Val skokk æfir breiður hópur fólks á öllum aldri, með mismunandi getu og markmið.

Allir eru velkomnir á hlaupaæfingar Vals, jafnt byrjendur sem lengra komnir, og líka Framarar en KR-ingar síður en þó engu að síður.
Hægt er að skrá sig á póstlista skokkhópsins með því að fara inná vefsvæði hans http://groups.google.com/group/valur-skokk og skrá sig þar eða senda póst á gislivh@gmail.com og verður ykkur þá bætt á listann. Netfang póstlistans er valur-skokk@googlegroups.com. Hópurinn hefur einnig komið sér upp bloggsíðu þar sem unnt verður að nálgast upplýsingar um æfingar o.fl. og skiptast á skoðunum. Slóðin er: http://skokk.bloggar.is/

Upplýsingar frá 9.10.2009