Powerade Vetrarhlaupið verður á sínum stað í vetur líkt og áður. Alls verða hlaupin sex og verða þau haldin annan fimmtudag í mánuði, frá október til mars.

9. október 2008
13. nóvember 2008
11. desember 2008
8. janúar 2009
12. febrúar 2009
12. mars 2009

Öll hlaupin byrja klukkan 20:00 við Árbæjarlaugina. Skráning hefst hálftíma fyrir hlaup í anddyri laugarinnar. Þátttökugjaldið er 200 kr. Við skráningu fá keppendur lítið skráningarblað sem síðan er afhent tímavörðum þegar komið er í mark að hlaupi loknu.
Vegalengdin er 10 km og fer hlaupið að mestu fram á göngustígum í Elliðaárdal.

Hlaupið hefst við Árbæjarlaugina. Hlaupið er í suðurátt eftir göngustíg sem liggur meðfram Elliðaánni fyrir neðan skeiðvöll Fáks, beygt af yfir göngubrú við Heyvað, þaðan er malbikuðum göngustíg fylgt upp í átt að Suðurfelli áfram í átt að Hóla- og Fellakirkju síðan beygt áfram niður Elliðárdalinn framhjá Vatnsveitubrúnni, framhjá Árbæjarstíflu, undir Höfðabakkabrú, áfram niður dalinn, framhjá undirgöngum við Blesugróf og áfram á malarstíg, framhjá undirgöngum við Sprengisand og yfir Elliðár á hitaveitustokk, beygt til hægri og hlaupið eftir Rafstöðvarvegi upp að Árbæjarstíflu, þaðan eftir ný malbikuðum stíg sem liggur fyrir neðan einbýlishúsabyggðina meðfram ánni beina leið í markið. Markið er við göngustíginn fyrir neðan malarvöllinn. Sjá kort af hlaupaleið hér að neðan. 

Stærra kort

Þátttakendur þurfa að kynna sér leiðina vel fyrir hlaup enda verður engin brautarvarsla. Við endamark er boðið upp á Powerade.

Stigakeppni
Stigakeppni virkar þannig:

1. sæti gefur 10 stig
2. sæti gefur 9 stig
3. sæti gefur 8 stig
4. sæti gefur 7 stig
5. sæti gefur 6 stig
6. sæti gefur 5 stig
7. sæti gefur 4 stig
8. sæti gefur 3 stig
9. sæti gefur 2 stig
10. sæti gefur 1 stig

og samanlagður stigafjöldi í heildarúrslitum og aldursflokkum í öllum hlaupunum sex gildir.

Aldursflokkar
Í stigakeppninni eru aldursflokkarnir:

Konur
16-29
30-34
35-39
40-44
45-49
50-54
55 ára og eldri

Karlar
16-29
30-34
35-39
40-44
45-49
50-54
55-59
60 ára og eldri

Aldur keppenda eins og hann er í fyrsta hlaupinu ákvarðar aldursflokk fyrir öll 6 hlaupin. Þannig flytjast keppendur ekki milli aldursflokka eftir fyrsta hlaup vetrarins.

Úrslit og verðlaun
Öll úrslit ásamt stöðu í stigakeppninni verða birt á www.hlaup.is eins fljótt og kostur er.
Verðlaunaafhending fer fram í mars að loknum öllum hlaupunum. Veitt verða verðlaun fyrir þrjú fyrstu sætin í stigakeppni heildarúrslit og stigakeppni aldursflokka, bæði karla og kvenna. Einnig verða vegleg útdráttarverðlaun þar sem keppendur fá einn miða í pottinn fyrir hverja þátttöku.

***VIÐVÖRUN***

Þar sem hlaupið er seint að kvöldi er mælt með því að keppendur klæðist skærlitum fatnaði og verði sér jafnvel út um endurskinsvesti. Þegar líður á veturinn getur færið verið varasamt með snjó og hálku, ekki er gert ráð fyrir að hætt verði við hlaup eða það fært til af þessari ástæðu og hverjum keppanda gert að fara ekki hraðar en svo að hann hafi fulla stjórn á sér. Keppendur taka þátt á eigin ábyrgð og framkvæmdaaðilar geta á engan hátt verið ábyrgir fyrir skaða sem hlýst af þátttöku í vetrarhlaupinu.

Framkvæmdaraðilar eru:
Dagur Egonsson (dagur_egonsson@hotmail.com) og
Pétur Helgason (petur.helgason@vifilfell.is).

Ef þið hafið einhverjar spurningar vinsamlega notið umræðuvettvang hlaup.is og við munum svara þeim eins fljótt og auðið er.