Laugardaginn 21. júní verður gengið/skokkað/hlaupið frá Grund í Vesturhópi yfir Vatnsnesfjallið og endað ofan í Kirkjuhvammi (tjaldsvæðinu) á Hvammstanga. Þetta er um 11 km leið og hækkun á milli 400 - 500 m.

Gangan/skokkið/hlaupið er keppni þar sem gildir að vera sem fyrstur yfir fjallið, en að sjálfsögðu getur hver og einn gert þetta eftir sínu höfði, keppt við aðra, sjálfan sig eða farið þetta án þess að vera að keppa yfirleitt. Aðalatriðið er að vera með og hafa ánægju af þessu.

Leiðin
Björgunarsveitin Húnar verða á staðnum og veita leiðsögn yfir fjallið og aðstoð ef þörf er á. Einnig er búið að stika leiðina. Hér getið þið séð kort af leiðinni.

Tímasetning

• Göngufólk: Mæting er í Kirkjuhvammi kl. 09:30, lagt af stað með rútu kl. 10:00, áætlaður komutími að Grund kl. 10:20. Ræst er stundvíslega klukkan 10:30.
• Trimmarar og keppnisfólk: Mæting er í Kirkjuhvammi kl. 11:30, lagt af stað með rútu kl. 12:00, áætlaður komutími að Grund kl. 12:20. Ræst er stundvíslega klukkan 12:30.

Þátttaka og þátttökugjald
Þátttökugjald, kr. 1200.- fyrir 16 ára og eldri og kr. 800.- fyrir 15 ára og yngri (innifalið er rútan, grillið, verðlaunapeningur og sund). Þátttaka tilkynnist til skrifstofu USVH sími 451-2760/897-9300. Einnig er hægt að senda inn þátttökutilkynningu á netfangið usvh@usvh.is.

Aldursflokkaskipting
15 ára og yngri, 16 - 39 ára og 40 ára og eldri.  Ræst verður í tveimur flokkum, göngufólk, trimmarar/keppnismenn.

Verðlaun
Veittur er bikar fyrir 3. efstu sætin, konum og körlum í hverjum aldursflokki. Þegar komið er niður í Kirkjuhvamm bíður grill og drykkur eftir þátttakendum sem og verðlaunapeningur.

Aðrar upplýsingar
Athugið að hafa með ykkur góða skó, hlý föt og góða skapið!  Góða skemmtun.

USVH og Björgunarsveitin Húnar.