Haus NES2014-118
Squeezy Sport Nutrition
Leit
┴hugavert
Skrßningar Ý hlaup
Hlaupaprˇf
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Hlaupadagbˇk 110x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
1.5.2017
01.07.2017 - Hamingjuhlaupi­

Hamingjuhlaupið verður haldið í 9. sinn laugardaginn 1. júlí 2017, en þetta hlaup tilheyrir flokki gleðihlaupa rétt eins og Þrístrendingur. Hamingjuhlaupið er sem sagt ekki keppnishlaup, heldur halda hlaupararnir yfirleitt hópinn og fylgja fyrirfram gerðri tímaáætlun sem svipar mjög til strætisvagnaáætlunar. Hlaupaleiðin er afskaplega breytileg frá ári til árs, en hlaupið er fastur liður í bæjarhátíðinni Hamingjudagar á Hólmavík.

Það er Stefán Gíslason, hamingjusamur bóndasonur og hlaupagikkur frá Gröf í Bitrufirði og fyrrum sveitarstjóri á Hólmavík, sem er upphafsmaður Hamingjuhlaupsins. Sagan segir að þátttakendur öðlist mikla hamingju að hlaupi loknu.

Hlaupaleið
Hlaupaleið Hamingjuhlaupsins 2017 liggur yfir Bæjardalsheiði milli Reykhólasveitar og Steingrímsfjarðar. Lagt verður af stað í grennd við Bæ í Króksfirði, en nánari staðsetning og tímasetning verður kynnt þegar nær dregur. Bæjardalsheiði er gömul og vel þekkt leið á milli byggðarlaga, en norðantil rennur hún saman við veginn af Þröskuldum niður Arnkötludal. Síðustu kílómetrarnir eru hlaupnir eftir malbikinu sem leið liggur til Hólmavíkur, en heildarvegalengdin er áætluð um 30 km. Að vanda verður hlaupið skipulagt þannig að auðvelt sé að taka þátt í völdum hlutum þess. Nákvæm tímatafla verður birt þegar nær dregur, en hefð er fyrir því að hlaupið endi á Hólmavík í þann mund sem árlegt tertuhlaðborð Hamingjudaga er tilbúið til skoðunar og neyslu.

Nánari upplýsingar
Hægt er að fræðast meira um hlaupið og sögu þess á heimasíðu hlaupsins, http://strandabyggd.is/hamingjuhlaupid. Fyrirspurnum varðandi hlaupið má beina til Stefáns Gíslasonar í netfangið stefan@environice.is, (sími 862 0538).

Endilega takið þátt - það eykur hamingju, gleði, gæfu og heilsu!

 

Til baka
 
 
Athugasemdir
 
 
Settu inn athugasemd:













 
Hlaupanßmskei­ hlaup.is 160
HvÝtt bil 5 ß hŠ­ - 3
Könnun
Stefnir ■˙ ß a­ hlaupa mara■on erlendis Ý ßr?
Jß, Ý einu af sex stˇru
Nei, en langar virkilega
Nei
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is