Hausmynd2018-RM2017
66NStadarfellJakki2018
Leit
┴hugavert
Hlaupadagskrß 2018
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
27.05.2018 - Stj÷rnuhlaup VHE

Stjörnuhlaup VHE fer fram í Garðabæ sunnudaginn 27. maí. Boðið er upp á 5 km og 10 km vegalengdir og hefst hlaupið kl. 11:00 frá Garðatorgi. Einnig verður boðið upp á  nýtt 2 km skemmtiskokk fyrir yngstu kynslóðina þar sem farið er um Flatirnar. 

Skemmtiskokkið er nýbreyttni til að fá sem flesta íbúa Garðbæjar og aðra að gera sér góðan dag í Garðabæ, foreldra og fleiri að skokka með börnum og njóta skemmtunar og veitinga á Garðatorginu á eftir.

Stjörnuhlaup VHE var valið þriðja besta götuhlaup ársins 2017 samkvæmt könnun hlaup.is. Hér má sjá skemmtilegt myndband frá Stjörnuhlaupinu.

Skráning í hlaupið fer fram hér á hlaup.is.

Tími og staðsetning
Hlaupið fer fram í Garðabæ sunnudaginn 27. maí. Hlaupin eru ræst á Vífilsstaðavegi við Garðatorg.

  • 2 km skemmtiskokk hefst kl. 10:50.
  • 5 km og 10 km hlaupin hefjast samtímis kl. 11:00. 

Vinsamlegast mætið tímanlega vegna lokana á Vífilsstaðavegi.  Hluta af Vífilsstaðavegi verður lokað kl. 10:15 frá gatnamótum Stekkjarflatar og Bæjarbrautar austur að Vífilsstöðum.  Eftir þann tíma er aðkoma að Garðatorgi betri norðan megin frá Arnarneshæð eftir Bæjarbrautinni.

Þátttökugjald og skráning
Forskráning fer fram á hlaup.is. Mótshaldari vill hvetja þátttakendur til að skrá tímanlega á lægra verðinu í forskráningu eða fyrir miðnætti fimmtudaginn 24. maí. Það auðveldar mótshaldara allan undirbúning.

Þeir sem forskrá sig fyrir miðnætti fimmtudaginn 24. maí.

  • 1.000 kr. 2 km skemmtiskokk (engin tímataka)
  • 1.300 kr. fyrir 15 ára og yngri í 5 km og 10km hlaup (f. 2003 og síðar)
  • 2.500 kr. fyrir 16 ára og eldri í 5km og 10km hlaup (f. 2002 og fyrr)

Skráning frá og með föstudeginum 25. maí og fram á hlaupdag.

  • 1.500 kr. 2 km skemmtiskok (engin tímataka)
  • 1.900 kr. fyrir 15 ára og yngri í 5 km og 10km  hlaup (f. 2003 og síðar)
  • 3.800 kr. fyrir 16 ára og eldri í 5km og 10km (f. 2002 og fyrr)

Athugið að börn/unglingar sem skrá sig í 5 km eða 10km tímatöku þurfa að fá úthlutað númeri og flögu.  Þátttakendur í skemmtiskokki fá úthlutað númeri. 

Samkvæmt reglum Frjálsíþróttasambands Íslands (FRÍ)  þurfa þátttakendur í 10 km götuhlaupi að hafa náð 12 ára aldri. Engin aldurstakmörk eru í 2 km skemmtiskokki eða 5 km götuhlaupinu. Aldurstakmörk í 10 km vegalengdinni miðast við almanaksárið þegar þátttakandi nær tilteknum aldri.

Afhending skráningargagna
Skráningargögn eru afhent í íþróttahúsinu við Ásgarð Garðabæ föstudaginn 25. maí frá kl. 17:30 til 19:00 og á Garðatorgi um morguninn sunnudaginn 27. maí milli kl. 8:30 - 10:00. Einnig er hægt að skrá sig í hlaupið á þessum dögum.

Útdráttarverðlaun, verðlaun og verðlaunapeningar
Allir þátttakendur í öllum vegalengdum fá þátttökupening við komu í mark.  Að auki eru veitt vegleg útdráttarverðlaun fyrir þátttakendur eftir að í mark er komið.  Hægt er að sækja þau inn á Garðatorgi eftir hlaupið. Aðeins er hægt að vitja útdráttarvinninga á meðan hlaupinu stendur.

Verðlaun í 10 km vegalengd:
Einstaklingskeppni. Veitt verða verðlaun og verðlaunapeningar fyrir 1.-3. sæti í karla- og kvennaflokki.
Aldursflokkar í einstaklingskeppni: Veitt verða verðlaun fyrir fyrsta sæti karla og kvenna í öldungaflokkum skv. eftirfarandi flokkun:  

  • 40 - 49 ára
  • 50 - 59 ára
  • 60 - 69 ára
  • 70 ára og eldri

Verðlaun í 5 km vegalengd:
Einstaklingskeppni. Veitt verða verðlaun og verðlaunapeningar í 1.-3. sæti karla og kvenna.
Aldursflokkar:  Veitt verða verðlaun fyrir 1 sæti karla og kvenna í öldungaflokkum skv. eftirfarandi flokkun:

  • 40 - 49 ára
  • 50 - 59 ára
  • 60 - 69 ára
  • 70 ára og eldri

 2km skemmtiskokk:
Engin tímataka er í 2 km skemmtiskokkinu.  Hver og einn þátttakandi fær verðlaunapening við komu í mark. Jafnframt eru veitt útdráttarverðlaun við komu í mark og hægt er að vitja þeirra inn á Garðatorgi og njóta veitingar þar eftir hlaup. 

Hlaupaleiðir og merkingar


Skoða Stjörnuhlaup á stærra korti Tveir hringir í 10 km hlaupi. 

10 km leiðin.
Hlaupið hefst við Garðatorg á Vífilsstaðaveginum.  Hlaupið er vestur niður Vífilsstaðaveginn og beygt til hægri strax inn á Bæjarbrautina. Farið eftir Bæjarbrautinni eins og leið liggur framhjá Fjölbraut í Garðabæ og að hringtorgi þar við Hæðarhverfi. Tekin beygja til hægri á síðara hringtorginu og í átt að Hnoðraholtinu. Farið inn á göngustíginn meðfram Reykjanesbrautinni, undirgöng undir Reykjanesbrautina og meðfram golfvellinum í átt að Vífilsstöðum. Farið er beint yfir Vífilsstaðaveginn og inná bílaplanið á Vífilstöðum þar sem vatnsstöð verður.  Farið er þaðan vestur eftir göngustíg og inn á Vífilsstaðaveginn, beint vestur í átt að gatnamótum Brúarflatar og Karlabrautar og áfram niður Vífilsstaðaveginn að Garðatorgi þar sem millitími verður tekinn í 10 km hlaupinu. Hlaupnir eru tveir eins hringir.

Vegvísar verða við hvern kílómetra og starfsmenn hlaupsins munu vakta alla helstu staði. Þátttakendur eru hvattir til að kynna sér vel leiðina við skráningu eða með því að smella hér kort af hlaupaleiðinni

5 km leiðin: 
Hlaupið hefst við Garðatorg á Vífilsstaveginum og er ræst aðeins á undan 10km hlaupinu. Hlaupið er sama leið eða einn hring, vestur niður Vífilsstaðaveginn og beygt til hægri strax inn á Bæjarbrautina. Farið eftir Bæjarbrautinni eins og leið liggur, framhjá Fjölbraut í Garðabæ og að hringtorginu við Hæðarhverfi. Tekin beygja til hægri á síðara hringtorginu og í átt að Hnoðraholtinu. Farið inn á göngustíginn meðfram Reykjanesbrautinni, undirgöng undir Reykjanesbrautina, meðfram golfvellinum í átt að Vífilsstöðum. Farið er beint yfir Vífilsstaðaveginn og inná bílaplanið á Vífilstöðum þar sem vatnsstöð verður.  Farið er þaðan vestur eftir göngustíg og inn á Vífilsstaðaveginn. Farið eftir Vífilsstaðavegi í átt að gatnamótum Brúarflatar og Karlabrautar og áfram niður Vífilsstaðaveginn að Garðatorgi og í mark.

Vegvísar verða við hvern kílómetra á 5 km leiðinni og starfsmenn hlaupsins munu vakta  helstu staði og vísa veginn. Þátttakendur eru hvattir til að kynna sér vel leiðina við skráningu eða kortið hér af hlaupaleiðinni.

Þar sem endaspretturinn í báðum keppnisvegalengdum verður háður á niðurhallandi Vífilsstaðaveginum er það von mótshaldara að keppnin síðustu metrana verði sérlega hröð og skemmtileg.

Kort af hlaupaleið (5km tveir hringir fyrir 10 km leið)  Skoða Stjörnuhlaup á stærra korti

2 km skemmtiskokk:
Skemmtiskokkið hefst á Vífilsstaðavegi við Garðatorg.  Hlaupið er vestur niður Vífilsstaðaveg og beygt til vinstri inn á Stekkjarflöt og þaðan til vinstri inn á Móaflöt.  Farið er Garðaflötina alla í austur að Hagaflöt, niður Hagaflöt og til vinstri inn á Móaflöt og þaðan að Brúarflöt.  Farið til vinstri inná Brúarflöt upp á Vífilsstaðaveg til vinstri og niður hann í mark.  Hér má sjá kort af hlaupaleiðinni 

Úrslit og birting
Úrslit munu birtast á www.timataka.net um leið og hlauparar koma í mark og á hlaup.is.  Úrslit eru einnig birt á vef Stjörnuhlaupsins hér, 10 km úrslit 2018 og 5 km úrslit 2018. Þátttakendur fá jafnframt úrslit sín send í GSM síma um leið og komið er í mark.   

Drykkjarstöð
Ein drykkjarstöð er á Vífilsstaðaplaninu þar sem boðið verður upp á vatn og Powerade fyrir 5 km og 10 km þátttakendur.   

Aðkoma, lokanir og bílastæði
Þátttakendum er bent á að mæta tímanlega. Vífilsstaðavegi verður lokað kl. 10:15 frá gatnamótum við Stekkjarflöt og Bæjarbrautar að austari hringtorgi við Vífilsstaði.  Opnað verður aftur fyrir umferð um Vífilstaðaveginn kl. 12:30. 

Hægt er að leggja bílum austan megin við Garðatorg, á bílastæði við Flataskóla eða við íþróttahúsið í Ásgarði.

Salerni og fatageymsla
Aðstaða til þess að geyma fatnað og töskur er á Garðatorgi og salernisaðstaða er staðsett inni á Garðatorgi einnig. Engin ábyrgð er tekin á fatnaði eða töskum, en starfsmenn hlaupsins munu vakta geymslusvæðið.   

Ábyrgð hlaupara
Allir þátttakendur eru á eigin ábyrgð í Stjörnuhlaupinu og börn eru á ábyrgð foreldra. Þátttakendur skulu kynna sér almenn atriði nánar er varða hlaupið svo sem, hlaupaleið, rástíma, tímatakmörk, drykkjarstöðvar ofl. á vefsíðu hlaupsins www.stjornuhlaup.is   

Þátttakendum er skylt að hafa keppnisnúmer sýnilegt að framan og fyrir ofan mittishæð allt hlaupið.

Þátttakandi ber ábyrgð á tímatökuflögunni sem hann fær úthlutað í 5km og 10km hlaupinu. Hver hlaupari má eingöngu hafa eina flögu í hlaupinu og skal hún vera skráð á hans nafn. Flögu skal reima á skó eða festa um ökkla ef um ökklaband er að ræða. 

Þar sem um götuhlaup er að ræða eru þátttakendur beðnir um að sýna varúð.  Brautarvarsla verður víða og við gatnamót þar sem lokað verður fyrir umferð.  Mælst er til þess af öryggisástæðum að þátttakendur noti ekki iPod eða önnur álíka tæki í hlaupinu. Tímatöku og brautarvörslu lýkur um 90 mínútum eftir að hlaupin eru ræst.

Aðrar upplýsingar
Nánari upplýsingar um Stjörnuhlaupið má finna hér á vefsíðu hlaupsins  http://www.stjornuhlaup.is/ og á Facebook síðu hlaupsins Stjörnuhlaupið.

Skráning í hlaupið fer fram á hlaup.is. 

Ábyrgðarmaður og hlaupstjóri
Agnar Jón Ágústsson, ábyrgðarmaður. Netfang: agnarjon@gmail.com / sími: 896-8519
Sigurður P. Sigmundsson, hlaupstjóri.  Netfang: siggip@hlaup.is / sími: 864-6766

Framkvæmdaraðili Stjörnuhlaupsins
Framkvæmdaraðili hlaupsins er Hlaupahópur Stjörnunnar sem er deild innan UMF Stjörnunnar (www.stjarnan.is). 

 

Til baka
 
 
Athugasemdir
 
 
Settu inn athugasemd:













 
Hlaupanßmskei­ hlaup.is 160
HvÝtt bil 5 ß hŠ­ - 3
Könnun
Hlustar ■˙ ß m˙sÝk ■egar ■˙ hleypur ?
Nßnast alltaf
Mj÷g oft
Stundum
Nßnast aldrei
Aldrei
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is