Mývatns Maraþon verður haldið 23. júní 2007 og er hlaupið í kringum vatnið að venju. 



Að sögn skipuleggjenda hlaupsins verður

Mývatnsmaraþon 2007 tímamóta hlaup, þar sem eftir þetta hlaup munu eigendur þess setjast niður og ákveða framtíð hlaupsins byggt á hversu vel gengur með þátttöku og framkvæmd hlaupsins í ár. 



Ákveðin þreyta er kominn í eigendur hlaupsins þar sem fjárhagsleg útkoma þess undanfarin ár hefur ekki verið réttu megin. 



Í fyrra tóku um 150 hlauparar þátt, þar af um 60 í maraþoni, 30 í hálfu maraþon, 30 í 10 km hlaupi og 30 í 3 km hlaupi.



Það væri synd ef þetta yrði síðasta Mývatnsmaraþonið.

Það er rétt Torfi að leitt væri að sjá á bak Mývatnsmaraþoninu. Bæði hefur hlaupið unnið sér ákveðna hefð en ekki síður það að óvíða er hægt að hlaupa maraþon í jafn fögru umhverfi. Mývatnsmaraþon er líka maraþonhlaup sem ætti að vera nokkuð auðvelt að markaðsetja erlendis en nokkuð stór hópur útlendinga hefur tekið þátt.