Nú ætla ég að hlaupa Jökulsárhlaupið í fyrsta skipti og er að velta fyrir mér æskilegum skóbúnaði. Ég vil því spyrja þá sem hafa hlaupið þarna áður hvort undirlagið sé það gróft, laust í sér og ójafnt að Trail skór séu nauðsynlegir eða er bara allt í lagi að vera á hefðbundnum hlaupaskóm? 

Ég myndi ráðleggja þér að fá þér góða utanvegaskó til þess að hlaupa utanvegahlaup. Það fer hinsvegar svolítið eftir því hverssu langt þú ætlar að hlaupa í Jöklsárhlaupinu hversu mikilvægt það er að vera á "alvöru" utanvegaskóm, en ætlirðu þér eitthvað lengra en 13,5 km þá er þetta engin spurning fyrir þig. Utanvegaskór eru málið.

Ég á sjálfur tvenna utanvegaskó aðrir eru frá Adidas - response heita þeir og eru mjög góður. Þá fékk ég mér líka New Balance skó hjá Daníel í Afreksvörum, ég er þokkalega ánægður með bæði þessi pör. 

Ég hef hlaupið Jökulsárhlaupið þrisvar núna og alltaf bara á mínu hefðbundnu hlaupaskóm sem ég nota dagsdaglega. Þeir hafa verið síðustu tvö skipti Asics Kensei 2. Ég held að það sem skórnir þurfa að hafa er mjög góður ökla stuðningur!! Leiðin er mjög þægileg í sjálfu sér, ekkert hlaupið á hrauni heldur mest á kindastígum. Ég myndi ekki fjárfesta í einhverjum rándýrum hlaupaskóm sem eru þá aðeins sérhæfðir fyrir utanvega hlaup. Heldur góða skó með sterkum öklastuðningi sem gætu þá einning nýst þér innanbæjar.

Ég þakka upplýsingarnar. Ég er búinn að heyra frá nokkrum að það sé allt í lagi að hlaupa þetta á hefðbundnum skóm og ætla að gera það, bara spurning hvort það verða daglegu æfingaskórnir eða lightweight skórnir. Ég á utanvegaskó og málið með þá er að þeir eru þyngri og stífari en hefðbundnir, maður vill jú fara sem hraðast og líða sem best í keppnishlaupi þannig að aðstæður þurfa að vera frekar leiðinlegar til að maður keppi í þeim. En svo er bara spurning hvort maður þurfi ekki að fara að kaupa sér létta utanvegaskó? 

Sæll Reynir!



Að mínu áliti er í lagi að hlaupa á götuskóm en er ekki viss um að það sé hentugt að hlaupa á léttum götuskóm. Fyrstu c.a. 10 km. eru steinnibbur sem ég tel að léttu skórnir séu of þunnir fyrir og ekki gott að reka tærnar í.



Gangi þér vel að hlaupa og mundu að drekka vel ef heitt er í veðri því það getur verið pottur í Vesturdölum. 



Kveðja