Fjórði fræðslufundur Laugaskokks og World Class á þessu starfsári verður haldinn mánudaginn 8. febrúar nk.  Þar munu Kristín Ólafsdóttir Johnson og Mark Johnson fjalla um styrktarþjálfun fyrir hlaupara og hvernig heppilegt er að nýta vetrarmánuðina í því skyni þannig að hlauparar mæti sem best undirbúnir í komandi keppnishlaup í vor og sumar.  Í fyrirlestrinum fara þau  m.a. yfir eftirfarandi þætti:



-          Er styrktarþjálfun nauðsynleg?



-          Styrktarþjálfun sem forvörn



-          Styrktarþjálfun til að bæta frammistöðu



-          Jafnframt verða sýnd dæmi um æfingar sem henta hlaupurum í þessu skyni.



Þau Kristín og Mark hafa áralanga reynslu af þjálfun fyrir almenning sem afreksíþróttamenn. Kristín lauk MSc prófi í þróttavísindum og þjálfun og starfar sem íþróttafræðingur hjá Landspítalanum. Hún var í landsliðinu í frjálsíþróttum í mörg ár. Hún hefur jafnframt verið einkaþjálfari og kennari hjá SWorld Class, starfað sem spretthlaupsþjálfari fyrir íþróttalið og verið með byrjendahópa í skokki.



Mark er íþróttafræðingur og sérfræðingur í styrktarþjálfun. Hann kennir m.a. ólympískar lyftingar í World Class og þjálfar afreksíþróttamenn og almenning í einkaþjálfun.



 

Aðgangur er ókeypis. Ath. að inngangur í fundarsal er í gegnum Joe & the juice. Ath. nýjan fundartíma, kl. 19:30