Hausmynd2018-RM2017
Squeezy Sport Nutrition
FrÚttir
Nřjustu frÚttir
FrÚttir 2016
FrÚttir 2015
FrÚttir 2014
FrÚttir 2013
FrÚttir 2012
FrÚttir 2011
FrÚttir 2010
FrÚttir 2009
FrÚttir 2008
FrÚttir 2007
FrÚttir 2006
FrÚttir 2005
FrÚttir 2004
FrÚttir 2003
FrÚttir 2002
FrÚttir 2001
FrÚttir 2000
FrÚttir 1999
FrÚttir 1998
FrÚttir 1997
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
FrÚttir  >  Nřjustu frÚttir
14.8.2019
"Skemmtilegri og betri hlaupalei­" er markmi­i­


Gleðin einkennir Reykjavíkurmaraþon.

Miklar breytingar hafa verið gerðar á hlaupaleiðinni í maraþoni í Reykjavíkurmaraþoninu sem fram fer 24. ágúst næstkomandi.  Markmiðið með breytingum er að búa til skemmtilegri og betri hlaupaleið og þar með ánægðari og fleiri hlaupara.

Með breytingunum er nú hlaupinn einn hringur í stað þess að þátttakendur hlaupi sömu leiðina tvisvar að hluta. Hlaupaleiðin liggur að auknu leyti í gegnum íbúagötur, sérstaklega lokakaflinn. Hlauparar þekkja gamla lokakaflann í Reykjavíkurmaraþoninu sem lá meðfram ströndinni út á Seltjarnarnes. En með nýju hlaupaleiðinni liggur lokakaflinn um Öskjuhlíð, í gegnum Þingholtin, Skólavörðuholt, út á Sæbraut fram hjá Hörpu og aftur inn í Lækjargötu. Með þessu vonast skipuleggjendur til að búa til skemmtilegri og betri stemmningu fyrir þátttakendur og áhorfendur.

Vonast til að íbúar taki ennfrekar við sér
„Á undanförnum árum hefur myndast mjög góð og skemmtileg stemmning þar sem hlaupaleiðir fara í gegnum íbúagötur. Þessi stemmning er sjálfssprottin frá íbúum og gestum í þessum götum, sem við erum ákaflega þakklát fyrir. Góðgerðarfélögin eru einnig dugleg að hvetja hlaupara áfram og þakka á þann hátt fyrir stuðninginn. Við ætlum að kynna þessar breytingar vel fyrir íbúum sem búa í þessum nýju götum sem maraþonleiðin liggur um. Við vonumst til að fá þá með okkur í lið og þeir sjái sér fært að koma út og hvetja. Einnig verðum við með tónlist og uppákomur víðsvegar á brautinni eins og fræðast má um á heimasíðu hlaupsins," segir Jóna Hildur Bjarnadóttir, hlaupstjóri Reykjavíkurmaraþons Íslandsbanka í samtali við hlaup.is.

Mjög var vandað til verka við undirbúning breytinganna sem er afrakstur vinnuhóps sem hóf vinnu sína síðasta haust. Við vinnu sínu hefur hópurinn haft skoðanir þátttakenda og álit reyndra hlaupara til hliðsjónar. Þessir aðilar nefndu sérstaklega að leiðin frá Fossvogi út á Gróttu væri löng og einmanaleg.  „Á lokametrunum fengum við hlaupara til að prófa leiðina og gefa okkur ábendingar sem unnið var úr áður en endanleg leið var valin. Breytingarnar voru einnig unnar í nánu samstarfi við Reykjavíkurborg, Strætó og Lögregluna," ítrekar Jóna Hildur og tekur fram að viðbrögð við breytingunum hafi verið jákvæð.  

Fleiri beygjur en meira skjól og betri hvatning
Við vinnuna var mikil áhersla lögð á að halda í einkenni brautarinnar þ.e. halda henni flatri og sem hraðastri. „Við það að fara í gegnum miðbæinn og inn í íbúahverfi eru fleiri beygjur á leiðinni en á móti kemur að hlauparar fá meira skjól frá húsum, hvatning frá íbúum gefur hlaupurum auka kraft og hlauparar eru ekki með vindinn í fangið alla strandlengjuna, frá Fossvogi og út á Gróttu," útskýrir Jóna Hildur.

Aðspurð hvort komið hafi til greina að gera breytingar á hlaupaleiðum í öðrum vegalengdum segir Jóna Hildur að niðurstaðan hafi verið að fara ekki í breytingar að sinni. Mikil stemmning hafi myndast á þeim hlaupaleiðum undanfarin ár. En hins vegar séu breytingar ekki óhugsandi á næstum árum, alltaf sé verið að leita leiða til að gera Reykjavíkurmaraþon Íslandsbanka sem best.  

Sjá PDF kort af hlaupaleiðinni í maraþoni.

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is