Hausmynd2018-RM2017
Squeezy Sport Nutrition
┴rsbesta
Kjˇsa langhlaupara 2018
Skrßning ß mara■ontÝma
Einkunnagj÷f hlaupa
Langhlaupari ßrsins
  Kjˇsa langhlaupara 2018
  Langhlaupari ßrsins 2018
  Langhlaupari ßrsins 2017
  Langhlaupari ßrsins 2016
  Langhlaupari ßrsins 2015
  Langhlaupari ßrsins 2014
  Langhlaupari ßrsins 2013
  Langhlaupari ßrsins 2012
  Langhlaupari ßrsins 2011
  Langhlaupari ßrsins 2010
  Langhlaupari ßrsins 2009
Bestu afrek frß upphafi
Samanbur­ur milli ßra
┴rsbesta 2018
┴rsbesta 2017
┴rsbesta 2016
┴rsbesta 2015
┴rsbesta 2014
┴rsbesta 2013
┴rsbesta 2012
┴rsbesta 2011
┴rsbesta 2010
┴rsbesta 2009
┴rsbesta 2008
┴rsbesta 2007
┴rsbesta 2006
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
┴rsbesta  >  Langhlaupari ßrsins  >  Langhlaupari ßrsins 2018
6.1.2019
Kjˇsi­ langhlaupara ßrsins 2018

Í tíunda skiptið stendur hlaup.is fyrir vali á langhlaupara ársins, bæði í karla- og kvennaflokki. Þá er einkum verið að horfa til afreka í götu- og utanvegahlaupum eða annarri keppni í langhlaupum. Afrek er afstætt, getur verið góður tími miðað við aldur, óvenjulegt verkefni, þrautseigja og kjarkur eða hvaðeina sem hægt er að meta til viðurkenningar.

Samtals voru 37 hlauparar tilnefndir í karla- og kvennaflokki til langhlaupara ársins 2018, 16 konur og 21 karl. Að þessu sinni eru það 6 konur og 6 karlar sem mynda endanlegan lista hlaupara sem kjósa á um. Það val var ekki auðvelt frekar en áður, því margir af þeim hlaupurum sem tilnefndir voru, hafa hver á sinn hátt unnið góð afrek og/eða sýnt mikla þrautseigju á síðasta ári.

Allir sem kjósa fara í pott og geta unnið hlaupaskó.

Smellið hér til að kjósa langhlaupara ársins (athugið að gefa besta hlaupara 6 stig og svo koll af kolli)

Tilnefndir í karlaflokki (í stafrófsröð):

Arnar_BRU2018_146
Arnar Pétursson (27 ára) stórbætti sinn fyrri árangur á flestum vegalengdum og er kominn í hóp 3-4 bestu götuhlaupara landsins frá upphafi. Hljóp 10 km á 31:08 mín, hálfmaraþon á 1:07:29 klst og maraþon á 2:24:13 klst.  Arnar var mjög duglegur að taka þátt í keppnishlaupum á árinu og vann þau flest.

 

Hlynur
Hlynur Andrésson  (25 ára) var á góðri leið með að ná öðrum besta tíma Íslendings í hálfmaraþonhlaupi í RM þegar hann lauk hlaupinu á 1:05:43 klst en vegalengdin var 213 m of stutt þannig að lokatíminn hans hefði orðið um 1:06:30 klst. Hlynur setti Íslandsmet á brautarhlaupum á árinu, hljóp 5.000 m á 13:58,91 mín, 10.000 m á 29:20,92 mín og 3.000 m hindrunarhlaupi á 8:44,11 mín. Hann náði síðan besta árangri Íslendings í víðavangshlaupi frá upphafi þegar hann varð um miðju á Evrópumeistaramótinu sem fram fór í Hollandi í nóvember. Nokkru áður varð hann í 7. sæti í Norðurlandameistaramótinu í víðavangshlaupi er fór fram í Laugardalnum.

 

Ingvar_LAU2018_0018
Ingvar Hjartarson (24 ára)
varð þriðji í Laugavegshlaupinu á 4:34:40 klst og hafa einungis þrír Íslendingar náð betri tíma á vegalengdinni frá upphafi. Þessi árangur gefur góð fyrirheit um það sem koma skal hjá Ingvari. Hann keppti í fjölmörgum utanvegahlaupum á árinu og varð ávallt í 1.-3.sæti. Nefna má einkum sigra hans í Hvítasunnuhlaupi Hauka (22 km á 1:25:30) og Snæfellsjökulshlaupinu (1:37:03). Þá hjóp Ingvar sitt fyrsta maraþon á 2:45:59 klst í Pisa í desember.

 

Johann_ALA2018_115
Jóhann Karlsson (70 ára) stórbætti Íslandsmetin í aldursflokki 70-74 ára. Hljóp 10 km á 43:25 mín í Ármannshlaupinu og maraþonvegalengdina á 3:29:04 klst í Þriggja landa hlaupinu. Jóhann hefur sýnt ótrúlega seiglu við æfingar en hann lenti í alvarlegum veikindum fyrir nokkrum árum.

 

StefanGudmunds
Stefán Guðmundsson (48 ára) sem hefur verið búsettur í Danmörku um árabil heldur áfram að bæta sig.  Í september tók hann þátt í Berlín maraþoni og náði öðrum besta tíma Íslendings í ár, 2:32:28 klst. Þá hjóp Stefán Berlínar hálfmaraþon í apríl  á 1:14:11 klst sem er fjórði besti árangur Íslendings á þeirri vegalengd í ár. Stefán, sem byrjaði seint að æfa hlaup, hefur sýnt að það er hægt að bæta sig langt fram eftir aldri með því að leggja sig fram við æfingar.

 

Þorbergur_LAU2018_0009
Þorbergur Ingi Jónsson (36 ára) hefur verið konungur utanvegahlaupanna hér á landi undanfarin ár. Sigraði Laugavegshlaupið eins og venjulega, nú  á 4:10:44 klst og setti brautarmet í Mt. Esja Extreme.  Hann varð svo í 32. sæti í UTMB (166 km) utanvegahlaupinu í MT. Blanc 30. ágúst.  Hækkunin í hlaupinu var 9.600 m og skilaði Þorbergur sér í mark á 25:57:11 klst. Þetta er mikið afrek, sérstaklega í ljósi þess að Þorbergur tognaði á kálfa um viku fyrir hlaupið. Fyrr um sumarið varð hann annar í 65 km LA 6000D utanvegahlaupinu í Frakklandi á 6:12:07 klst. 

 

Tilnefndar í kvennaflokki (í stafrófsröð):

Andrea2-ARM2018_0825
Andrea Kolbeinsdóttir (19 ára)
hefur verið efnilegasta langhlaupakona landsins undanfarin ár. Hún náði öðrum besta árangri íslenskra kvenna frá upphafi í hálfmaraþoni og í 10 km götuhlaupi á árinu. Hljóp hálfmaraþonið á 1:19:46 klst á Heimsmeistaramótinu sem fram fór í Valencia í mars og síðan 10 km á 35:45 mín í Ármannshlaupinu í júlí. Andrea dvelur nú í Bandaríkjunum við nám og æfingar. Aðeins Martha Ernstsdóttir hefur hlaupið hraðar.

 

AnnaBerglind2-LAU2018_0080
Anna Berglind Pálmadóttir (39 ára
) varð önnur kvenna í Laugavegshlaupinu á 5:26:28 klst. Þá hljóp hún á 3:04:13 klst í sínu fyrsta maraþoni er fram fór í Lissabon í október og sigraði í sínum aldursflokki. Var auk þess í 1. sæti kvenna í Tenerife Blue Trail fjallamaraþoni 42 km í júní. Þá varð Anna Berglind Íslandsmeistari bæði í hálfmaraþoni og maraþoni.

  

AnnaKaren_LAU2018_0292
Anna Karen Jónsdóttir (20 ára)
hefur einungis æft hlaup í tvö ár og kom mjög á óvart er hún varð í 4. sæti kvenna í Laugavegshlaupinu á 5:37:53 klst sem er besti árangur íslenskrar konu 20 ára og yngri í þessu hlaupi. Anna Karen fylgdi þessum árangri svo eftir með því að hlaupa á 1:28:12 klst í hálfmaraþoni RM (í 2. sæti kvenna 20-29 ára) sem reyndist síðan vera 213 m of stutt.

 

ElinEdda_ARM2018_0828
Elín Edda Sigurðardóttir (29 ára)
byrjaði að keppa í götuhlaupum fyrir einungis fjórum árum en hefur sýnt stórstígar framfarir og barðist um fyrsta sætið í öllum þeim götuhlaupum sem hún tók þátt í hérlendis á síðasta ári. Sigraði í hálfmaraþoni RM á 1:19:04 og hefði væntanlega átt möguleika á að fara undir 1:20:00 klst hefði hún hlaupið alla vegalengdina en hlaupið reyndist vera 213 m of stutt. Besti löglegi tími Elínar var 1:21:04 klst í München við erfiðar aðstæður. Í 10 km bætti Elín Edda stöðugt árangur sinn og náði best 36:23 mín í Ármannshlaupinu.

 

Elisabet-LAU2018_0092
Elísabet Margeirsdóttir (33 ára) Tókst á hendur óvenjulegt verkefni er hún tók þátt í 400 km hlaupi í Gobi eyðimörkinni í Kína í lok september. Kom fyrst kvenna í mark á 96 klst og 48 mínútum. Aðstæður í þessu hlaupi voru mjög krefjandi og því mikil áskorun. Var einnig í 8. sæti kvenna í Vibram Hong Kong 100 Ultra Trail á 13:14:17 klst og í 1. sæti kvenna í Globallimits Bhutan - The Last Secret 193 km Ultrahlaupi á 26:12:43 klst.

 

Rannveig_LAU2018_0090
Rannveig Oddsdóttir  (45 ára) kom nokkuð á óvart þegar hún kom fyrst kvenna í mark í Laugavegshlaupinu á 5:16:07 klst sem er besti tími íslenskrar konu í þessu hlaupi frá upphafi. Rannveig hafði síðast farið Laugavegshlaupið 11 árum áður. Hún er búinn að æfa og keppa í hlaupum lengi, oft átt í erfiðum meiðslum, en kemur ávallt sterk til baka.

 

 

Mynd frá afhendingu viðurkenninga fyrir árið 2017


Topp sex (eða fulltrúar þeirra). Frá vinstri: Faðir Stefáns Guðmundssonar, móðir Guðlaugar Eddu Hannesdóttir, Andrea Kolbeinsdóttir, Þórdís Jóna Hrafnkelsdóttir, Elísabet Margeirsdóttir, Arnar Pétursson, Þórólfur Ingi Þórsson, faðir Ástu K. Parker, Elín Edda Sigurðardóttir, fulltrúi Þorbergs Inga Jónssonar. Á myndina vantar Kára Stein Karlsson og Hlyn Andrésson.


Efstu þrjár í kvennaflokki. Frá vinstri: móðir Guðlaugar Eddu, Elísabet og Elín Edda


Arnar Pétursson langhlaupari ársins 2017 og Bjartmar Örnuson sem tók við verðlaunum fyrir hönd Þorbergs Inga. Kári Steinn Karlsson hafnaði í þriðja sæti en komst ekki á afhendinguna.

 

Til baka
 
 
Athugasemdir
 
Inga dˇra ■orsteinsdˇttir Inga dˇra ■orsteinsdˇttir
7.1.2019 11:12:28
Hlynur byrja­i seint a­ taka ■ßtt Ý hlaupi .Hann Šf­i miki­ og sřndi miklar framfarir.Hann er gˇ­ fyrirmynd fyrir ungafˇlki­ og sřnir a­ ■a­ ■arf ekki a­ byrja ungur til a­ nß ßrangri.
MargrÚt Gu­mundsdˇttir MargrÚt Gu­mundsdˇttir
7.1.2019 17:57:26
Anna Karen Jˇnsdˇttir - flottur hlaupari ! 
 
Settu inn athugasemd:













 
66NStadarfellJakkiJan2019
HvÝtt bil 10 ß hŠ­
Hlaupanßmskei­ hlaup.is 160
HvÝtt bil 5 ß hŠ­ - 1
Könnun
┴ hva­a skˇtegund hljˇpst ■˙ Ý ReykjavÝkurmara■oni 2018?
Asics
Adidas
Brooks
Ecco
Hoka
New Balance
Newton
Nike
Mizuno
Puma
Reebok
Saucony
Under Armour
Anna­
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is