Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
5.6.2014
05.08.2014 - Fjallvegahlaup nr. 37 - Hjaltadalshei­i

Hlaupið yfir Hjaltadalsheiði verður 37. hlaupið í fjallvegahlaupaverkefni Stefán Gíslasonar í Borgarnesi, en samtals verða hlaupin 50 talsins á 10 ára tímabili (2007-2016). Hlaupið fer fram í vikunni eftir verslunarmannahelgina, nánar tiltekið þriðjudaginn 5. ágúst. Safnast verður saman á hlaðinu á Hólum í Hjaltadal kl. 10:00 og ekið þaðan á tiltækum ökutækjum um 7 km leið að Reykjum innar í sama dal. Þar hefst hlaupið þegar allir eru tilbúnir. Hjaltadalsheiðin er líklega ein af erfiðustu leiðunum í fjallvegahlaupaverkefninu, enda farið upp í 1.000 m hæð og yfir jökul. Hlaupið endar við bæinn Staðarbakka innst í Hörgárdal. Erfitt er að áætla hversu langan tíma spretturinn tekur, en 7 klst. þykja fremur líkleg ágiskun hvað það varðar. Leiðin er á að giska 29 km löng og býður ekki upp á mikinn meðalhraða. 

Fjallvegahlaupaverkefnið
Fjallvegahlaupaverkefnið er tómstundagaman Stefáns, en verkefnið gaf hann sjálfur sér í fimmtugsafmælisgjöf árið 2007 í þeim tilgangi að halda sér í formi á sextugsaldrinum, að kynnast landinu sínu og vekja áhuga annarra á útivist og hreyfingu. 

Meginreglan
Öllum er velkomið að taka þátt í fjallvegahlaupunum, enda er maður manns gaman. Þátttakan er þó alltaf á ábyrgð hvers og eins. 

Skráning og flutningar
Ekki er nauðsynlegt að skrá sig í fjallvegahlaupin fyrirfram, en samt er æskilegt að láta Stefán vita af sér í síðasta lagi daginn áður, (stefan[hjá]umis.is, sími 862 0538). Þátttakendur þurfa sjálfir að koma sér á upphafspunktinn og frá lokapunktinum, en Stefán hjálpar til eftir bestu getu með því að benda á ferðamöguleika sem hann hefur frétt af, t.d. hjá öðrum þátttakendum. Mikilvægt er að þeir sem hyggja á þátttöku fylgist vel með tilkynningum á vefsíðum sem taldar eru upp hér fyrir neðan, því að stundum er nauðsynlegt að breyta áætlun með stuttum fyrirvara vegna utanaðkomandi (eða jafnvel innanaðkomandi) aðstæðna.

Þátttökugjöld, tímataka og veitingar
Engin þátttökugjöld eru í fjallvegahlaupunum. Þetta eru nefnilega fríhlaup (e. „free running") í tvennum skilningi. Engin formleg tímataka er í hlaupunum, heldur má hver þátttakndi um sig nota skeiðklukkur og dagatöl að vild. Hlaupin eru ekki keppnishlaup, heldur fylgjast þáttakendur yfirleitt að, allir saman eða í smærri hópum. Ekki er boðið upp á neinar veitingar nema þær sem þátttakendur taka með sér. Sumir eru rausnarlegir og gefa svöngum með sér, en því er ekki að treysta. Hins vegar eru drykkjarstöðvar í hverjum læk. 

Úrslit og verðlaun
Úrslit fjallvegahlaupanna birtast í formi orðmargra ferðalýsinga á síðunni www.fjallvegahlaup.is og taka stundum líka á sig mynd óskaplega langra bloggpistla. Einu verðlaunin eru góðar minningar. Sumir eignast jafnvel helling af þeim. 

Meiri upplýsingar og uppfærslur:

http://www.fjallvegahlaup.is

https://www.facebook.com/groups/fjallvegahlaup   

http://stefangisla.com

stefan@environice.is

Sími 862 0538

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is