Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
27.4.2015
27.06.2015 - Hamingjuhlaupi­

Hamingjuhlaupið verður haldið í sjöunda sinn laugardaginn 27. júní 2015. Ekki hefur verið ákveðið klukkan hvað Hamingjuhlaupið 2015 hefst, en það verður tilkynnt fljótlega. Hamingjuhlaupið er ekki keppnishlaup, heldur halda hlaupararnir yfirleitt hópinn og fylgja fyrirfram gerðri tímaáætlun sem svipar mjög til strætisvagnaáætlunar. Tímaáætlun fyrir Hamingjuhlaupið 2015 er í vinnslu og verður birt þegar nær dregur. 

Það er Stefán Gíslason, hamingjusamur bóndasonur og hlaupagikkur frá Gröf í Bitrufirði og fyrrum sveitarstjóri á Hólmavík, sem er upphafsmaður Hamingjuhlaupsins. Sagan segir að þátttakendur öðlist mikla hamingju að hlaupi loknu.

Vegalengd
Vegalengdin er líklega um 32 km og þeir sem ekki treysta sér alla leiðina geta slegist í hópinn hvar sem er eftir að komið er niður í Þiðriksvalladal.

Staðsetning og hlaupaleið
Hamingjuhlaupið 2015 hefst um það bil miðja vegu milli bæjanna Gillastaða og Klukkufells í Reykhólasveit, nánar tiltekið við GPS-punktinn N65°31,77‘ - V22°01,83‘. Fyrri helmingur leiðarinnar fylgir greinilegum vegarslóða yfir Gillastaðafell, upp með Geitá og áfram upp að Miðheiðarborg á Laxárdalsheiði. Nokkru norðar er beygt til vesturs af hinni hefðbundnu leið yfir heiðina og hlaupið eftir vegleysum með stefnu á innri enda Þiðriksvallavatns í Steingrímsfirði. Þegar komið er inn fyrir vatnið er komið á jeppafæran veg sem liggur niður með vatninu að norðanverðu og niður á þjóðveginn um 4 km sunnan við Hólmavík. Síðasti spölurinn til Hólmavíkur er svo hlaupinn á bundnu slitlagi.

hamingju hlaup

Hamingjuhlaupið er sérstakt að mörgu leyti, m.a. að því leyti að á hverju ári er hlaupin ný leið. Endapunkturinn er hins vegar alltaf sá sami, þ.e.a.s. Hólmavík, en hlaupið er orðinn fastur liður í bæjarhátíðinni Hamingjudagar. Þar fá hlaupararnir jafnan að skera fyrstu sneiðina af heimsfrægu tertuhlaðborði heimamanna. Þess vegna er líka nauðsynlegt að mæta í markið á réttum tíma.

Nánari upplýsingar
Fyrirspurnum varðandi hlaupið má beina til Stefáns í netfangið stefan@environice.is. Endilega takið þátt - það eykur hamingju, gleði, gæfu og heilsu! 

Saga hlaupsins í stuttu máli:

Árið 2009 hljóp Stefán Gíslason ásamt öðrum hlaupagörpum frá Drangsnesi, alls um 34,5 km.

Árið 2010 var hlaupið frá vegamótum í Reykhólasveit, þar sem beygt er upp á hinn nýja veg um Þröskulda. Vegalengd þess hlaups var um 31 kílómetri.

Árið 2011 var lagt upp frá æskuheimili Stefáns að Gröf í Bitrufirði, hlaupið norður yfir Bitruháls, þaðan yfir Deildarskarð og síðan frá Heydalsá að hátíðarsvæðinu á Hólmavík þar sem mikill mannfjöldi tók á móti hlaupurum. Fjöldi hlaupara hélt áfram að aukast frá fyrri árum, en alls voru þátttakendur 16 talsins. Lengd hlaupsins var um 35,5 km.

Árið 2012 var hlaupið frá Árnesi í Trékyllisvík til Hólmavíkur. Hlaupið þetta ár var um 53,5 km. Í þetta skiptið hljóp enginn hlaupari alla leiðina en margir mjög langt - og allir unnu sigra og öðluðust meiri hamingju eftir hlaup en áður. Ríflega 20 þátttakendur voru í hlaupinu og hafa aldrei verið fleiri.

Árið 2013 var aftur hlaupið frá Árnesi í Trékyllisvík til Hólmavíkur, enda hafði engum tekist að komast alla leið árið áður. Veðrið lék við hvern sinn fingur og þátttakendur voru samtals eitthvað um 30 talsins, þar af tveir sem hlupu alla leið.

Árið 2014 var hlaupið frá Kleifum í Gilsfirði um Vatnadal til Hólmavíkur, en sú leið er sjaldan farin í seinni tíð. Leiðin er samtals um 37 km. Veðrið var hið ágætasta og sem fyrr voru þátttakendur eitthvað um 30 talsins, þar af sex sem hlupu alla leið.

Nánari upplýsingar á: http://strandabyggd.is/hamingjuhlaupid/.

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 1
Könnun
Hvar keyptir ■˙ sÝ­ast hlaupaskˇ ?
═slensk verslun
═slensk vefverslun
Erlend verslun
Erlend vefverslun
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is