Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
21.2.2016
21.04.2016 - VÝ­avangshlaup ═R

Víðavangshlaup ÍR fer fram í 101. sinn á sumardaginn fyrsta. Víðavangshlaup ÍR var fyrst haldið á sumardaginn fyrsta árið 1916 og hefur síðan þá verið órjúfanlegur þáttur í hátíðarhöldum Reykjavíkurborgar, en enginn íþróttaviðburður hér á landi á jafn langa samfellda sögu og Víðavangshlaup ÍR. Frekari upplýsingar um sögu hlaupsins er hér auk þess eru upplýsingar á Facebooksíðu hlaupsins.

Hlaupið er 5 km langt og liggur leiðin um hjarta borgarinnar. Um fjórfalda keppni er um að ræða og verða veitt verðlaun fyrir hverja þeirra:

  • 101. Víðavangshlaup ÍR
  • Íslandsmeistaramót kvenna og karla í 5 km götuhlaupi
  • Íslandsmeistaramót fimm manna sveitakeppni karla og kvenna í 5 km götuhlaupi
  • Powerade sumarhlaupin

Samhliða hundraðasta og fyrsta Víðavangshlaupi ÍR verður efnt til Grunnskólahlaups Lindex. Vegalengd er um 2,7 km. Í Grunnskólahlaupinu gildir að vera með. Sá skóli sigrar sem á hæsta hlutfall nemenda sem ljúka hlaupinu undir 25 mínútum.  

Tími og staðsetning
Sumardaginn fyrsta 21. apríl nk., kl. 12:00 í Tryggvagötunni við Pósthússtræti. Þátttakendur eru hvattir til þess að mæta tímanlega á keppnisstað og hafa hugfast að það getur tekið tíma að leggja bílum í miðbæ borgarinnar. Ráðlagt er að leggja í bílastæði Hörpunnar meðan rúm leyfir, en athugið að þennan dag er stór ráðstefna í Hörpunni. 

Vegalengd
Vegalengd 5 km. Hlaupaleiðin er mæld og viðurkennd af Frjálsíþróttasambandi Íslands. 

Skráning og afhending gagna
Forskráning er á hlaup.is til miðnættis 20. apríl. Þátttökugjaldið hækkar eftir miðnætti þriðjudaginn 19. apríl (hærra gjald 20. apríl) og eru þátttakendur því hvattir til að forskrá sig tímanlega á hlaup.is. Forskráning fer jafnframt fram í ÍR heimilinu miðvikudaginn 20. apríl á milli kl. 16:30 og 19:00. Athugið að skráning í Grunnskólamót Reykjavíkur fer fram hjá íþróttakennurum. 

Skráning á hlaupadag. Unnt er að skrá sig á hlaupadag í bílastæðahúsinu, Kolaportið við Kalkofnsveg 1 frá kl. 09:30-11:00 eða þar til 60 mínútum fyrir hlaup, keppendur eru vinsamlegast beðnir um að virða tímamörkin.

Afhending gagna. Forskráðir geta sótt gögnin sín í ÍR heimilinu, Skógarseli 12, miðvikudaginn 20.apríl á milli kl. 16:30 og 19:00. Afhending gagna á hlaupadegi verður í bílastæðahúsinu Kolaportið við Kalkofnsveg 1 á hlaupdag á milli kl. 09:30 og 11:00 eða þar til 60 mínútum fyrir hlaup. Þátttakendur eru vinsamlegast beðnir um að virða þau tímamörk.

Þátttökugjöld
Forskráðir fyrir miðnætti 19. apríl 

  • 16 ára og eldri (f. 2000 og fyrr): 1.800 kr
  • 15 ára og yngri (f. 2001 og síðar): 1.300 kr 

Forskráðir 20. apríl og skráning á keppnisdag 

  • 16 ára og eldri (f. 2000 og fyrr): 2.800 kr
  • 15 ára og yngri (f. 2001 og síðar): 2.000 kr 

ATH! Skráning í Grunnskólahlaupið fer fram í gegnum tengiliði hvers skóla og er börnunum að kostnaðurlausu. Mótið er eingöngu ætlað börnum í 7.-10. árgangi. Nemendur geta ekki tekið þátt í báðum hlaupunum eða látið þátttöku í 5km hlaupinu gilda í Grunnskólahlaupi.

Hlaupaleið og merkingar
Hlaupið hefst í Tryggvagötu við Pósthússtræti. Hlaupið er upp Hverfisgötu og Barónsstíg og þar beygt niður Laugaveginn. Hlaupið er niður Laugaveg og Bankastræti að Lækjargötu og þar er beygt til vinstri suður Lækjargötu, Fríkirkjuveg og Sóleyjargötu inn á Gömlu Hringbrautina þar sem tekinn er snúningur og hlaupið til baka norður Sóleyjargötuna, beygt vestur Skothúsveg að Tjarnargötu sem hlaupin er framhjá Ráðhúsinu að Kirkjustræti.  Hlaupið eftir Kirkjustræti meðfram Austurvelli, Alþingishúsinu og Dómkirkjunni og beygt til vinstri norður Pósthússtræti, beygt til hægri austur Tryggvagötu og endað í Lækjargötu framan við Arnarhól.

Kílómetrar og beygjur eru vel merktar með fánum og starfsmenn hlaupsins munu vakta helstu staði. Annars eru þátttakendur hvattir til að kynna sér vel leiðarkort við skráningu í Hörpunni eða hér: Kort af Víðavangshlaupi ÍR [PDF]. Þátttakendur eiga jafnframt að kynna sér reglur hlaupsins [hér].

 nýtt ír kort

Tímataka
Hver hlaupari færi tímatökuflögu með sínum skráningargögnum. Án flögu fæst enginn tími og flagan virkar eingöngu sé hún fest á skó. Skila þarf tímatökuflögum eftir hlaup. Flögutími gefur nákvæman persónulegan árangur hlaupara, óháð hve aftarlega í hópnum hann var við ræsingu. Einnig er tekinn tími frá því að startskot ríður af, sem kallast byssutími en það er sá tími sem gildir í keppninni og úrslit  eru ákvörðuð út frá honum eins og alþjóðlegar reglur um lögleg götuhlaup segja til um.

Tímatöku og brautarvörslu lýkur 60 mínútum eftir að hlaupið er ræst, kl. 13:00

Úrslit verða birt í rauntíma auk þess sem tímar verða sendir í sms-i til hlaupara. Úrslit fyrir verðlaunasæti eru staðfest við verðlaunaafhendingu en að öðru leyti telst birting úrslita á timataka.net sem lögleg birting á úrslitum.

Athugið. Samkvæmt reynslu síðustu ára koma alltaf upp einhverjar villur í stórum hlaupaviðburði á við Víðavangshlaupi ÍR sem þarf að lagfæra t.d. vegna þess að tímatökuflögur hafa ruglast milli fólks eða önnur mannleg mistök. Í langflestum tilvikum þá leysast slíkar villur og eru endanlega leiðrétt úrslit birt eigi síðar en miðnætti 24. apríl  2016 á hlaup.is. Ábendingar um villur eða ef tíma vantar skal senda á hlaupstjóra eigi síðar en miðnætti 23. apríl með upplýsingum um nafn, kennitölu, hlaupanúmer og áætlaðan tíma og við reynum að lagfæra úrslitin sem allra fyrst. Einnig er gott að fá upplýsingar um einhverja sem þú þekkir og komu á svipuðum tíma í markið.

Endanleg úrslit verða birt 24. apríl á ir.is þar sem þar verða formleg úrslit hlaupahaldara birt, en þau verða jafnframt  birt á hlaup.is. 

Drykkjarstöðvar
Boðið er upp á vatn og Poweradedrykki að hlaupi loknu. 

Aldursflokkar
Keppt er í karla- og kvennaflokki í eftirfarandi aldursflokkum:

  • 12 ára og yngri,
  • 13-15 ára,
  • 16-18 ára,
  • 19-29 ára,
  • 30-39 ára,
  • 40-49 ára,
  • 50-59 ára,
  • 60-69 ára
  • 70 ára og eldri.

Einnig er keppt í fimm manna sveitakeppni karla og fimm manna sveitakeppni kvenna. Reglur FRÍ gilda um sveitakeppnina. 

Verðlaunaafhending
Verðlaunaafhending fer fram við marksvæði kl. 12:45.

  • Þátttakendur yngri en 15 ára fá þátttökuverðlaun, en öðrum gefst kostur á að kaupa þátttökupening samhliða skráningu. Þátttökupeninga þarf að vitja inni í bílastæðahúsinu Kolaportið við Kalkofnsveg 1.
  • Hlauparar sem hljóta útdráttarverðlaun fá afhenta miða þegar þeir koma í mark og verða að vitja vinninga inni í bílastæðahúsinu Kolaportið við Kalkofnsveg 1. Ekki verður unnt að vitja útdráttarverðlauna eftir 14:30 á hlaupadag.
  • Veitt eru verðlaun fyrir þrjá fyrstu í mark í karla- og kvennaflokki auk þess sem sigurvegarar í karla- og kvennaflokki hljóta meistaratign í 5 km götuhlaupi.
  • Veitt eru verðlaun fyrir fyrsta karl og fyrstu konu í mark í öllum aldursflokkum.
  • Veitt eru verðlaun fyrir fyrstu fimm manna sveitir karla og kvenna í tengslum við Meistaramót Íslands. 

Salerni og fatageymsla
Salernisaðstaða verður við bílastæðahúsið Kolaportið við Kalkofnsveg 1 og í Hörpunni. Fatageymsla verður í bílastæðahúsinu.    

Reglur
Í götuhlaupum á vegum frjálsíþróttadeildar ÍR gilda reglur alþjóðafrjálsíþróttasambandsins IAAF um götuhlaup sem sjá má á vef Frjálsíþróttasambands Íslands og reglur FRÍ um framkvæmd götuhlaupa. Reglur FRÍ gilda um meistaramót Íslands þ.m.t. sveitarkeppni. Til viðbótar við þær reglur gilda einnig eftirfarandi frjálsíþróttadeildar ÍR um götuhlaup á vegum félagsins og eiga þátttakendur að kynna sér þær hér.

Aðrar upplýsingar
Þar sem um götuhlaup er að ræða og umferð er mikil á hluta leiðarinnar eru þátttakendur beðnir að sýna varúð. Brautarvarsla verður við þau gatnamót þar sem umferð er þyngst. Mælst er til þess að öryggisástæðum að þátttakendur noti ekki iPod eða önnur álíka tæki í hlaupinu. Einnig er mælst til þess að þátttakendur hlaupi ekki með hlaupakerrur eða álíka (baby joggers). 

Grunnskólahlaup
Grunnskólahlaup verður ræst í Lækjargötunni fyrir neðan túnið við Menntaskólann í Reykjavík á sumardaginn fyrsta, fimmtudaginn 21. apríl kl. 12:10. Hlaupið er 2,7 km og hlaupa grunnskólanemar ásamt öðrum hlaupurum í Víðavangshlaupi ÍR þann hluta leiðarinnar sem eftir er. 

Allir grunnskólar landsins geta tekið þátt í hlaupinu. Keppnin er fyrir nemendur í 7. til 10. árgangi (ungmenni fædd 2000, 2001, 2002 og 2003) og er grunnskólanemum að kostnaðarlausu. 

Skráning í Grunnskólahlaupið fer fram í gegnum tengilið hvers skóla sem tilkynnir þátttakendur til frjálsíþróttadeildar ÍR með tölvupósti á netfangið irfrjalsar@gmail.com eða með skráningu á þessum tengli.

Sömu reglur gilda um Grunnskólahlaupið eftir því sem við á og um Víðavangshlaup ÍR og hvetjum við skólafólk til að kynna sér þær vel. Nemendur geta ekki tekið þátt í báðum hlaupunum eða látið þátttöku í 5 km hlaupinu gilda í Grunnskólahlaupi.

Nánari upplýsingar hér.

Ábyrgðarmenn
Inga Dís Karlsdóttir, hlaupsstjóri, ingadis@gmail.com.

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is