Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
2.7.2017
02.09.2017 - Hengill Ultra

Hengill Ultra verður síðasta stóra hlaup sumarsins en það verður haldið 2. september. Sex vegalengdir verða í boði frá 5 km og upp í 100 km en 100 km leiðin er nú í boði í fyrsta skipti. Kjörið fyrir alla fjölskylduna og afreksfólk að koma saman á uppskeruhátíð hlaupara. Hlaupið er nú haldið í sjötta sinn.

Tímasetningar og staðsetningar
Upphaf hlaupsins og mótstjórn verður sem fyrr í hjarta Hveragerðis í lystigarði bæjarbúa og verður öllum vegalengdum hlaupsins startað þaðan. 100 og 83 kílómetra hlaupið verður ræst kl. 04:00 að morgni. 50 km hlaupið verður ræst kl 9:00. Ræsing í 24 km hlaupið er klukkan 13:00 og 10 km og 5 km hlaupin verða ræst kl 14:00.

  • 100 km - ræsing 04:00
  • 80 km - ræsing 04:00
  • 50 km - ræsing 09:00
  • 24 km - ræsing 13:00
  • 10 km - ræsing 14:00
  • 5 km - ræsing 14:00

Skráning
Skráning í Hengill Ultra fer fram á www.hengillultra.is. Gjafapoki með HENGILL ULTRA bol og óvæntum glaðningum frá samstarfsaðilum er innifalinn í skráningu fyrir alla þá sem skrá sig fyrir þriðjudaginn 1. ágúst. Skráning hefst 11. maí og er opin til miðnættis sunnudaginn 27. ágúst. Eftir það verður ekki hægt að skrá sig til leiks í 100, 80, 50 og 24 km hlaupin. Hægt verður að skrá sig í 5 km og 10 km hlaupin fram til klukkan eitt á hlaupadag.

Um Hengill Ultra
Í keppninni í ár verður í fyrsta sinn boðið upp á 100 kílómetra vegalengd sem gerir hlaupið að lengsta utanvegahlaupi á Íslandi en einnig er boðið upp á fimm aðrar vegalengdir við allra hæfi. Hengill Ultra er síðasta stóra hlaup sumarsins og má því segja að þetta verði sannkölluð uppskeruhátíð íslenskra hlaupara. Þátttaka í 50, 80 og 100 kílómetra vegalengdunum í Hengill Ultra tryggir keppendum þátttökupunkta í Mont Blanc hlaupunum (http://utmbmontblanc.com/en/). Fjöldi hlaupara kemur erlendis frá til að taka þátt í Hengill Ultra því slík punktagjöf býðst ekki hvar sem er í heiminum. Hægt verður að fylgjast með framvindu undirbúnings og fá allar upplýsingar á eftirfarandi vefsvæðum og samfélagsmiðlum.

Hengill Ultra hlaupið hefur verið haldið um hásumar síðustu fimm ár en hefur nú verið flutt á fyrsta laugardag í september. Það var gert til þess að færa hlaupið út úr allra mesta ferðamanna álaginu þannig að erlendir keppendur eigi auðveldara með að tryggja sér flug til landsins og gistingu á svæðinu. Skipuleggjendur hafa verið að senda út kynningarefnið um hlaupið á erlenda hlaupamiðla. Erlendir hlauparar, vefmiðlar og hlaupatímarit eru nú þegar byrjuð að sýna hlaupinu áhuga.

Markmið skipuleggjenda er að gera Hengill Ultra að skemmtilegasta utanvegahlaupi landsins með metnaðarfulla umgjörð fyrir keppendur og aðstandendur. Á næstu fimm árum ætla aðstandendur mótsins að gera það að þekktri stærð í hlaupasamfélögum í Evrópu, Bandaríkjunum og Kanada.

Hlaupaleiðir
Hlaupið er upp Reykjadalinn, upp á Hellisheiði og inn að Hengli og upp hann og er útsýnið þaðan algjörlega einstakt á góðum degi og er þessi hlaupaleið einhver sú alfallegasta sem hægt er að finna á Íslandi. Í 5 og 10 kílómetra hlaupunum verður hlaupið meðfram Hamrinum einu af fegurstu kennileitum Hveragerðis í gegnum skógivaxið svæðið fyrir ofan bæinn.
Kort af hlaupaleiðum og nánari upplýsingar um hlaupið verður hægt að finna á heimasíðu hlaupsins www.hengillultra.is.

Fjölbreytt dagskrá á hlaupadag
Heilmikið verður í boði fyrir fjölskyldur hlaupara og þá sem fylgja hlaupurunum í Hveragerði þennan dag. Blásið verður til sannkallaðrar fjölskylduveislu með tónlist og leiktækjum. Sögugöngur, grænmetis- og blómamarkaður eru einnig á meðal þess sem boðið verður upp á og hvetja skipuleggjendur hlaupsins alla til að mæta. 

Aðstaða og umgjörð
Keppendum verður boðið upp á heita máltíð og hressingu eftir keppni og allir sem hlaupa fá gjafabréf í sund. Verðlaunaafhending og grillveisla fyrir keppendur og aðstandendur verður svo kl. 17:00. Tímatökubúnaður verður notaður og allir hlauparar nema í 5 og 10 kílómetrunum hlaupa með tímatökuflögur, en tímatakan verður undir stjórn fagmanna frá ÞRÍKÓ sem sérhæfa sig í tímatökum á íþróttamótum sem þessum.

Slagorð hlaupsins er „Allir hlaupa, allir vinna og allir velkomnir".

Dregið verður úr glæsilegum brautarvinningum á verðlaunaafhendingunni. Þannig að allir fá eitthvað til minningar um þátttökuna í þessu mikla afrekshlaupi.

Öryggi keppenda
Aukin áhersla verður lögð á öryggisgæslu í ár. Björgunarsveitir munu sjá um öryggisgæslu í brautinni en hlaupið er um torfær svæði og á mörgum stöðum eru tæki eins og fjórhjól og háfjallajeppar einu tækin sem komast auðveldlega til að geta sótt slasaða hlaupara úr brautinni. Læknir verður á vakt við mótstjórn allan daginn og sjúkrabifreið til flutnings slasaðra á sjúkrahús komi til alvarlegra slysa eða heilsubrests á keppnisstað.

Nánari upplýsingar
Nánari upplýsingar um hlaupið verður hægt að finna á heimasíðu hlaupsins www.hengillultra.is.

    

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is