Hægt er að vera 1 x í viku eða 2 x í viku. Tímar eru á mánudögum, miðvikudögum eða fimmtudögum kl. 7:30-8:30. Einnig er boðið upp á tíma á mánudögum og miðvikudögum kl. 16:15 - 17:15.
- Mánudagur 7:30 - Uppselt
- Miðvikudagur 7:30 - Uppselt
- Fimmtudagur 7:30 - Laus sæti
- Mánudagur 16:15 - Laus sæti
- Miðvikudagur 16:15 - Laus sæti
Námskeiðin standa yfir í 13 vikur.
Styrktar- og liðleikaþjálfunin eykur líkamsfærni hlaupara, bætir hlaupalag og er ein leið til að koma í veg fyrir álagsmeiðsli og er því aðferð til að bæta hlaupatíma. Umsjón með námskeiðunum hafa Gauti Grétarsson sjúkraþjálfari og Hildigunnur Hilmarsdóttir íþróttakennari sem er sérfræðingur í mjólkursýrumælingum og mati á líkamlegri afkastagetu.
Verð fyrir námskeiðið er 30 þúsund krónur á önn miðað við 1 x í viku og 52 þúsund miðað við 2 x í viku. Nánari upplýsingar og skráning hjá gauti@srg.is.
Námskeiðin eru haldin í húsakynnum Sjúkraþjálfunar Reykjavíkur að Fiskislóð 1 (Húsi Ellingsen), 2. hæð.
Styrktar- og mjólkursýrumælingar fyrir hlaupara
Sjúkraþjálfun Reykjavíkur hefur boðið upp á mjólkursýrumælingar, kraftmælingar og hlaupagreiningar fyrir langhlaupara undanfarin ár til að þeir geti fylgst með líkamsástandi sínu og gert áætlanir um þjálfun sína. Mælingar þessar eru ein af forsendum þess að hlauparar viti hvar þeir standa og einnig mikilvæg leið til að koma í veg fyrir meiðsli sem hrjá marga hlaupara.
Einnig hafa sjúkraþjálfarar Sjúkraþjálfunar Reykjavíkur meðhöndlað hundruð langhlaupara sem hafa lent í álagsmeiðslum, ofþjálfun og áverkum tengdum hlaupaþjálfun.