Þátttökugjald

  • 22 km7.000 kr

Um hlaupið

  • Vegalengdir22 km
  • Dagsetning26. júní 2021
Sjá úrslit Myndasafn úr hlaupinu

Snæfellsjökulshlaupið verður haldið 26. júní n.k og er þetta er í ellefta skiptið sem hlaupið er haldið. Hlaupið hefur fengið mjög góðar viðtökur undanfarin tíu ár og heppnast mjög vel. Ræst verður frá Arnarstapa kl. 12:00.  Boðið verður upp á rútuferð frá Ólafsvík til Arnarstapa fyrir þá sem vilja.

  • Í ár verður fjöldi þátttakenda takmarkaður við 300 manns.
  • Skráningu lýkur kl. 24:00 mánudaginn 21. júní.
  • Þar sem upphafsstaður hlaupsins er rúmgóður verða allir ræstir í einu.
  • Mælst er til að hröðustu hlaupararnir verði fyrstir í ræsingu.
  • Drykkjastöðvarnar verða eins og áður 4 talsins og mun Björgunarsveitin Lífsbjörg sjá um þær. Þar verður boðið upp á vatn og orkudrykk. Umhverfisvæn einnota pappaglös verða í boði sem hent er svo í ruslafötu. En öllum er frjálst að vera með sín drykkjarílát.
  • Vegleg útdráttarverðlaun verða í boði
  • Allir þátttakendur fá smá glaðning í poka að hlaupi loknu.

Ólafsvík er um 2,5 klst. akstur frá Reykjavík.

Staður og tímasetning

Hlaupið verður frá Arnarstapa yfir Jökulháls til Ólafsvíkur á Snæfellsnesi. Ræst verður klukkan 12:00 frá veitingastaðnum Arnarbæ á Arnarstapa.

Rúta verður fyrir þá sem vilja frá Ólafsvík til Arnarstapa og mun hún leggja af stað kl. 10:45 frá Átthagastofunni í Ólafsvík og kostar 2.500 kr.

Vegalengd

22 km.

Skráningargjald

Þátttökugjald í forskráningu 7.000 kr. Hægt er að afskrá sig og fá endurgreiðslu þar til skráningu lýkur.

Skráning fer fram hér á hlaup.is, sjá efst á síðunni. Opið er fyrir skráningu til kl. 24:00 mánudaginn 21. júní. Ekki verður hægt að skrá sig á staðnum.

Hlaupaleiðin

Hlaupaleiðin er um 22 km. Langstærsti hluti hlaupsins er malarvegur.  Fyrstu 8 km þarf að hlaupa upp í móti í c.a. 700metra hæð. Síðan tekur hlaupaleiðin að smá lækka þar til komið er til Ólafsvíkur. Hlauparar eiga von á að þurfa kjást við snjó og drullu frá 1 km til 7 km af leiðinni, en fer það eftir því hvað veturinn var snjóþungur.  Hlauparar fá á leiðinni að upplifa einstaka náttúrufegurð og að öllu ógleymdu allri þeirri orku sem Snæfellsjökull býr yfir.  Fjórar drykkjarstöðvar verða á leiðinni á c.a. 5 km millibili sem Björgunarsveitin Lífsbjörg mun sjá um. Á Arnarstapa verður bíll þar sem hlauparar hafa kosta á að skilja eftir aukadót og fatnað sem verður afhendur í Átthagastofu í Ólafsvík. Einnig tekur Björgunarsveitin við fatnaði við drykkjarstöðvar á hlaupaleiðinni og verður afhendur í Átthagastofu að hlaupi loknu.

Flokkaskipting
  • Karlar 70 ára og eldri
  • Konur 70 ára og eldri
  • Karlar 60 - 69 ára
  • Konur 60 - 69 ára
  • Karlar 50 - 59 ára
  • Konur 50 - 59 ára
  • Karlar 40 - 49 ára
  • Konur 40 - 49 ára
  • Karlar 39 ára og yngri
  • Konur 39 ára og yngri

Verðlaun

Verðlaun verða veitt fyrir bestu tímana í hverjum flokki og einnig verður fjöldi útdráttarverðlauna.

Hlökkum til að sjá ykkur hress og kát í skemmtilegu hlaupi.

Nánari upplýsingar

Ingunn Ýr Angantýsdóttir s:858 7670 og netfangið ingunnyra@gmail.com
Sigrún Ólafsdóttir s:8942446 og netfangið sigrun@olafsdottir.is