Eyvindarstaðahlaupið verður haldið í annað sinn laugardaginn 16. maí. 

Hlaupnar verða þrjár vegalengdir fram í Eyvindarstaði í Sölvadal (í Eyjarfjarðarsveit) - 

• Frá Átaki 36 km,
• Frá Hrafnagili 22 km
• Frá Smámunasafninu í Sólgarði 8 km. 

Frá Átaki verður lagt af stað kl. 09.00, frá Hrafnagili kl. 09.30 og frá Smámunasafninu kl. 11.00. Leið allra liggur í Eyvindarstaði og þar verður tekið vel á móti fólki með pylsum og öðru góðgæti. Á leiðinni fær fólk drykki.

Af ýmsum ástæðum geta ekki allir hlaupið, en þá er um að gera að taka þátt á annan hátt - með því að hjóla, ganga eða einfaldlega keyra. Við viljum einfaldlega sjá sem flesta taka þátt. Því fleiri, því betra!

Gert er ráð fyrir að fólk annað hvort komi sér sjálft á upphafsstað eða sameinist um bíla en séð verður til þess að fólk fái far til baka.

Til að hægt verði að áætla þörfina fyrir bíla þá vinsamlegast hafið samband við tengilið hlaupsins Börk Árnason á e-mail: borkur@iv.is og einnig ef einhverjar spurningar vakna.