Langhlauparar ársins 2020 eru Rannveig Oddsdóttir og Hlynur Andrésson

Rannveig Oddsdóttir og Hlynur Andrésson eru langhlauparar ársins 2020 mati hlaupara og lesenda hlaup.is. Verðlaunin voru afhent í tólfta skiptið í dag laugardaginn, 13. febrúar. Í öðru sæti höfnuðu Arnar Pétursson og Andrea Kolbeinsdóttir. Í þriðja sæti lentu Hlynur Guðmundsson og Guðlaug Edda Hannesdóttir.

Rannveig Oddsdóttir hlýtur þennan titil í þriðja skiptið, en hún hvar einnig kosin langhlaupari ársins 2010 og 2012. Hlynur Andrésson gat ekki verið viðstaddur verðlaunaafhendinguna, þar sem hann býr og æfir í Hollandi og undirbýr sig af kappi fyrir hálfmaraþon um miðjan mars, sem hluta af undirbúningi hans við að ná lágmarki á Ólympíuleikana. Fyrir hans hönd tók frændi hans við verðlaununum.

Upplýsingar um afrek hlauparanna sem lögð voru til grundvallar kosningunni er hægt að lesa um í frétt á hlaup.is. Hlaup.is mun svo birta á morgun viðtöl við hlauparana.

Við drógum út útdráttarverðlaun úr hópi þeirra sem kusu og upp kom nafn Líneyjar H. Þorkelsdóttur sem er í Skokkhópi Grundarfjarðar og fær hún HOKA skópar.

Hlaup.is þakkar stuðningsaðilum sem gáfu verðlaun, Íslandsbanka, Sportís og Hlaup.is.

Kosið var á milli fimm hlaupara í karlaflokki og fimm hlaupara kvennaflokki. Niðurstöður kosningarinnar eru eftirfarandi:

Karlaflokkur

Kvennaflokkur

Á myndina vantar Elínu Eddu Sigurðardóttir.