Strandvegagangan 2005-2006

Sumarið 2006 Egilstaðir-Reykjavík
Núna í sumar gekk ég þar sem frá var horfið í fyrra frá Esso stöðinni á Egilstöðum og til Reykjavíkur alls 2455 km

Skipulagning göngunnar
Ég byrjaði strax að undirbúa mig undir gönguna í ágúst 2005 með því að biðja um frí úr vinnu. Þegar það var komið í höfn hófst ég handa við að fá fría gistingu á þeim stöðum sem ég mun fara yfir. Það gekk mjög vel og var lokið að mestu í desember 2005. Fúsi aðstoðarmaður og bílstjóri var búinn að ákveða að verða bílstjóri áfram. Vegalengdin var reiknuð eftir Íslensku vegahandbókinni og ætlaði ég að enda gönguna á menningarnótt 19. ágúst í Reykjarvík. Þannig reiknaði ég tímann sem mun fara í þetta ef ég gerði ráð fyrir 25 km göngu á dag, einn hvíldardag í viku og 4-6 daga aukalega uppá að hlaupa ef við skildum verða veðurtepptir eða ég fái meiðsli eða eitthvað slíkt. Útkoman var að best væri að byrja gönguna 6. mai miðað við þetta.

Gangan
Fyrsta mánuðinn lenti ég í öllum veðrum sem hægt er að lenda í á Íslandi. Fyrstu helgina var gott veður en eftir 10 mai og til 26. mai þá lenti ég í miklu norðanáhlaupi sem magnaðist dag frá degi þangað til að við urðum veðurtepptir á Húsavík þann 23. mai vegna snjóa. Engin meiðsli hrjáðu mig fyrir utan nokkrar blöðrur sem fóru mjög fljótt.

Í júní fór að bera á því að vegalengdarútreikningar eftir Vegahandbókinni voru rangir. Ég talaði við Vegagerðina og fékk nákvæmari vegalengdargögn. Þá kom í ljós að vegalengdin var ekki 2100 km heldur 2455 km. Þá varð ég að setja í annan gír og fara að ganga 30 km á dag í stað 25 og ég gerði það. Engin meiðsli komu á júní og ekki blöðrur heldur. Ég bætti mig í hraða jafnt og þétt þennan mánuðinn.

Veðrið í júlí var gott í heildina fyrir utan 2 daga. Ég gekk upp á 6 fjallvegi á 6 dögum á tímabili. Þar af var einn dagur fjallvegalaus og einn með tveimur fjallvegum. Meðalgönguvegalengd var  rétt rúmir 30 km á dag og tók ég einn 35 km dag. Ég lenti í júlí í andlegri þreytu sem lýsir sér í því að skamtímaminnið minnkar og að viðbrögð verða hægari. Ég tók á það ráð að fara að lesa meira á hvöldin og það minnkaði þetta.

Í agústmánuði var ég í gríðalega góðu formi og því besta sem ég hef verið á ævinni. Meðalgönguhraðinn var orðinn yfir 5 km á klst allann daginn þannig að ég var að fara 30 km á innan við 6 tímum. Ég tók einn 40 km dag á Snæfellsnesinu og tók það á rétt tæpum 8 tímum. Hefði verið fljótari ef undirlagið hefði verið malbik alla leiðina en helmingurinn af þessari leið var möl. Ég stórbætti mig í hraða þegar ég gekk 4 km leið í bestu aðstæðum sem völ voru á á 8.4 km/klst. Þetta var tekið á sléttum vegi á milli Borgarnes og Melarsveitarafleggjarans. Ég endurnýjaði líka kynni mín við Suðurland og gekk 95 km af smávegum sem ég skildi eftir í fyrra

Eftirfarandi tafla sýnir þá vegalengd sem ég gekk sumarið 2006. Vegamerkingarnar og upplýsingarnar eru hafðar frá Vegagerð ríkisins.

*Þessa spotta skildi ég eftir á Suðurlandi 2005 og labbaði þá 7-9 ágúst 2006

Inn í þessa töflu vantar 4 km sem ég gekk inn Hraunsfjörð á Snæfellsnesi

Heildarvegalengdin er þá 2460+986=3446 km

Þar sem 986 er vegalengdin sem farin var sumarið 2005 Reykjavík-Egilstaðir

Ég gekk frá 17 jún-26. júl 2005 og 2 daga að auki
Ég gekk frá 6. mai-19. ág 2006
Alls 129 göngudagar
Meðalvegalengd per dag er 26.7 km

Til gamans þá er þetta um 25% af Íslensku vegakerfi sem er 13000 km

Þessar upplýsingar set ég fram til þess að þeir sem hafa í huga í framtíðinni að fara þessa ferð á betri tíma eða einhvernvegin öðruvísi þá veit viðkomandi hvaða leið ég fór. Ég fór alltaf eftir merktum vegum númeruðum af vegagerð ríkisins.