Íslenska hlaupasamfélagið er hvergi nærri lagst í dvala þó blikur séu á lofti í ljósi hertra aðgerða stjórnvalda vegna uppgangs Covid 19 hér á landi. Í gær laugardag, fóru fram tvö einkar skemmtileg hlaup. Annars vegar fyrsta hlaupið í Víðavangshlauparöð Fimbul.is og Framfara og hins vegar Heiðmerkurhlaupið. Fulltrúar hlaup.is litu við á báðum stöðum, tóku myndir og viðtöl.
Um 50 manns tóku þátt í Víðavangshlaupi Fimbul.is og Framfara sem er metþáttaka. Hlauparöðin fer fram með þeim hætti að í fyrra hlaupinu er hlaupinn einn hringur, oftast í kringum einn kílómeter og síðan er sá hringur hlaupinn 5-6 sinnum í seinna hlaupinu. Þátttakendum er að sjálfsögðu frjálst að taka þátt í báðum útgáfunum og það gera margir.
Í karlaflokki sigraði Guðni Páll Pálsson í styttra hlaupinu og Hlynur Ólason í lengra hlaupinu. Í kvennaflokki sigraði Andrea Kolbeinsdóttir í báðum vegalengdum.
- Heildarúrslit úr fyrsta hlaupi Víðavangshlaupa Fimbul.is og Framfara er að finna á hlaup.is
- Myndasafn frá Víðavangshlaupi Fimbul.is og Framfara
Við tókum Burkna Helgason tali eftir hlaupið og fengum hann til að segja okkur aðeins frá hlauparöðinni.
Við tókum vídeó á nokkrum stöðum í brautinni og þá sést hversu skemmtileg brautin er. Fyrsta myndbandið er fljótlega eftir startið.
Síðan í einni brekkurótinni
Í brekkunni sjálfri
Og að lokum í síðasta kafla hringsins, brekkunni niður
Í gær fór einnig fram Heiðmerkurhlaupið sem haldið var í tilefni af 70 ára afmæli Heiðmerkur en Skógræktarfélag Reykjavíkur hélt hlaupið í samstarfi við Náttúruhlaup. Um 130 manns tóku þátt í hlaupinu. Boðið var upp á 4 km hlaup og 12 km hlaup (Ríkishringinn). 42 þátttakendur voru í styttra hlaupinu, flestir frábærir fulltrúar yngri kynslóðarinnar sem sýndu frábær tilþrif. Sigurvegarar voru hinn 13 ára gamli Birgir Máni Brynjarsson og hin 13 ára Signý Harðardóttir. Í 12 km hlaupinu komu þau Vignir Már Lýðsson og Anastasía Alexandersdóttir fyrst í mark.
Við tókum viðtal við sigurvegarann í 12 km hlaupinu Vigni Má Lýðsson
Einnig ræddum við sigurvegarann í kvennaflokknum Anastasiu Alexandersdóttir
Guðfinna Mjöll Magnúsdóttir var ein af þeim sem kom að undirbúningi hlaupsins fyrir hönd Skógræktarinnar og við heyrðum um undirbúning hlaupsins.
Við leyfðum myndavélinni að rúlla á 12 km hlauparana eftir 6 km og fyrst er vídeó af fyrri hópnum.
12 km hlauparar eftir 6 km seinni hópur
4 km hlauparar á fyrsta kílómetranum
Þá okkur ljúft og skylt að minnast á Hausthlaup hinna framtakssömu hlaupara í UFA á Akureyri, sem fram fór á miðvikudag. Um 60 manns tóku þátt í hlaupinu, í 5 km hlaupinu sigruðu þau Sigþóra Brynja Kristjánsdóttir og Heiðar Halldórsson, í 10 km sigruðu hin óviðjafnanlegu Þorbergur Ingi Jónsson og Anna Berglind Pálmadóttir.
