Akureyrarhlaup verður haldið á Akureyri fimmtudaginn 3. júlí. Keppt er í þremur vegalengdum 5 km, 10 km og hálfmaraþoni. Keppni í hálfmaraþoni hefst kl. 19:00 hjá þeim sem gera ráð fyrir að vera lengur en 1:50:00 að hlaupa vegalengdina en hraðari hlauparar fara af stað kl. 19:30. Keppni í 5 km og 10 km hefst kl. 20:05.
Skoðaðu myndir frá hlaupinu 2022.
Hlaupaleið
Rás og endamark er við Hof við Strandgötu. Hlaupið er um eyrina og fram í Eyjafjörð og er hlaupaleiðin marflöt og vænleg til góðra afreka. Allar vegalengdir eru löglega mældar og mun framkvæmd hlaupsins taka mið af reglum FRÍ um framkvæmd götuhlaupa svo árangur fæst skráður í afrekaskrá FRÍ.
21,1 km leiðin er 10 km hringurinn hlaupinn tvisvar að viðbættum 1,1 km.
Skráning
Forskráning er á netskraning.is.
Skráningargjöld eru eftirfarandi:
- 5 km hlaup kr. 2.500
- 10 km hlaup kr. 3.500
- Hálfmaraþon kr. 5.500
- 18 ára og yngri greiða aðeins 1.500 kr í allar vegalengdir.
Verðlaun
Veitt verða verðlaun fyrir fyrstu þrjú sætin í öllum vegalengdum og verðlaunapeningar fyrir aldursflokka. Einnig verða dregin út fjöldi útdráttarverðlauna.
Nánari upplýsingar
Nánari upplýsingar um hlaupið eru á heimasíðu UFA, á netfangi ufaeyrarskokk@gmail.com eða í síma 894-4243.