Hlaupasería 66°N og Hlaupahóps FH 2025 verður haldin í janúar, febrúar og mars. Hlaupin eru jafnframt stigakeppni einstaklinga. Hlaupin verða vottuð af FRÍ.
Staðsetning og tími
Hlaupin hefjast kl. 19:00 frá göngustígnum gegnt íþróttahúsinu á Strandgötu í Hafnarfirði.
- Miðvikudaginn 22. janúar
- Miðvikudaginn 26. febrúar
- Miðvikudaginn 26. mars
Skráning og þátttökugjald
- Fullorðnir (15 ára og eldri) = 1.800 kr (4.400 ef greitt er fyrir öll þrjú hlaupin í einu)
- Börn (0-14 ára) = 1.000 kr (2.000 kr ef greitt er fyrir öll þrjú hlaupin í einu)
Skráning og greiðsla fer fram á netskraning.is. Einnig verður hægt að skrá sig á staðnum.
Tímataka
Allir þátttakendur þurfa að vera með rásnúmer. Rásnúmerið er með áfastri tímatökuflögu. Númerin verða afhent í íþróttahúsinu á Strandgötu á hlaupadegi milli kl.17:30 - 18:45. Þátttakendur eru vinsamlegast beðnir um að virða þau tímamörk. Rásnúmerið er margnota og hægt að nota í öllum þremur hlaupunum, gætið þess að beygla ekki eða beygja flöguna.
Hraðastjórar munu hlaupa á 20 mín, 25 mín og 30 mín.
Hlaupaleiðin
Hlaupið er frá upphafspunkti (stígur gegnt íþróttahúsinu á Strandgötu), eftir göngustígnum meðfram strandlengju Hafnarfjarðar til norðurs áfram Herjólfsbraut, beygt til vinstri inn Naustahlein og þaðan aftur inn á Herjólfsbraut og til baka sömu leið.
- Leiðin er nokkuð flöt og ákjósanleg til bætinga.
- Partur af hlaupaleiðinni er á götu og eru þátttakendur beðnir um að taka tillit til þess og sýna varúð. Brautargæsla verður á hlaupaleiðinni og við gatnamót þar sem að lokað verður fyrir umferð.
- 1 km, 2 km, 3 km og 4 km keilur verða staðsettar á hlaupaleið.
- Þátttakendur eru hvattir til að kynna sér hlaupaleiðina vel.
Verðlaun og lokahóf
Veitt verða verðlaun fyrir þrjú fyrstu sætin í karla og kvennaflokki óháð aldursflokki eftir hvert hlaup og fer verðlaunaafhending fram í íþróttahúsinu á Strandgötu strax að loknu hlaupi.
Verðlaunaafhending fyrir hlaupaseríuna fer fram á lokahófi sem haldið verður í Sjónarhól í Kaplakrika (dags. auglýst síðar).
Þar verða heildarsigurvegarar fyrir hlauparöðina í karla- og kvennaflokki verðlaunaðir fyrir samanlagðan árangur í öllum þremur hlaupunum auk þess sem veitt verða verðlaun fyrir fyrstu þrjú sætin í hverjum aldursflokki karla og kvenna.
Einnig verða dregin út glæsileg útdráttarverðlaun þar sem möguleikarnir fara eftir fjölda hlaupa þátttakanda;
- Þrjú hlaup = þrefaldar vinningslíkur
- Tvö hlaup = tvöfaldar vinningslíkur
- Eitt hlaup = einfaldar vinningslíkur
Frekari upplýsingar
Allar upplýsingar koma inn á Facebook síðu hlaupaseríunnar.
Þátttakendur fá frítt í sund að hlaupi loknu í Suðurbæjarlaug (Hringbraut 77).
Fyrirvari
Keppendur taka þátt í Hlaupaseríu 66°N og Hlaupahóps FH á eigin ábyrgð. Framkvæmdaaðilar geta á engan hátt verið ábyrgir fyrir skaða sem keppendur hugsanlega verða fyrir eða valda öðrum meðan á þátttöku í hlaupinu stendur. Með skráningu í þennan viðburð staðfestir þátttakandi skilning á þessu og samþykkir skilmála hlaupsins.