Trimmklúbbur Seltjarnarness (TKS) stendur fyrir kirkjuhlaupi á annan í jólum líkt og gert hefur verið frá árinu 2010. Þátttaka í hlaupið hefur verið gríðarlega góð síðustu ár enda um einstakan viðburð að ræða líkt og sjá má af frétt mbl.is um hlaupið frá árinu 2018.
Tímasetning
Lagt verður af stað frá Seltjarnarneskirkju kl 10:00.
Skráning
Engin skráning á sér stað fyrir hlaupið. Nægilegt er að mæta bara með bros á vör.
Hlaupaleið
Stoppað er stuttlega við eftirfarandi kirkjur á hlaupaleiðinni og hópurinn þéttur:
- Rússneska rétttrúnaðarkirkjan
- Landakotskirkja
- Dómkirkjan
- Fríkirkjan
- Kirkja aðventista
- Hallgrímskirkja
- Háteigskirkja
- Kirkja óháða safnaðarins
- Fossvogskapella
- Kapellan Hlíðarenda
- Háskólakapellan
- Neskirkja
- Seltjarnarneskirkja
Vegalengd
Hlaupaleiðin er rúmlega 14 km ef öll leiðin er farin. Auðvelt er að stytta leiðina fyrir þá sem það kjósa t.d. með því að fara beint frá Háteigskirkju að Kapellunni Hlíðarenda (10 km) og þaðan áfram sem leið liggur að Háskólakapellu.
Þar sem ekki er um tímamælingu að ræða eru þátttakendur hvattir til að hlaupa á sínum hraða og njóta hlaupsins og hátíðanna. Að loknu hlaupi býður Seltjarnarneskirkja og TKS, hlaupurum upp á heitt súkkulaði og smákökur.