Pósthlaupið er 50 km utanvegahlaup frá Hrútafirði yfir í Búðardal (600 m hækkun, 2 ITRA-stig). Í boði er einnig að hlaupa hálfa leið um 26 km (1 ITRA-stig), 12 km leið eða síðasta spölinn í Búðardal 7 km. Hlaupið fer fram laugardaginn 26. júlí.
Leiðarlýsing
Pósthlaupið er um 50 km utanvegahlaup sem hefst við Bálkastaði í Hrútafirði. Hlaupin er gömul landpóstaleið yfir Haukadalsskarð vestur í Haukadal og sem leið liggur niður dalinn, meðfram Haukadalsvatni, niður á reiðstíg við Vestfjarðaveg í Dölum og eftir honum og Vestfjarðavegi alla leið í Búðardal.
- 50 km hlaup: Fyrstu 15 km hlaupsins eru nokkuð á fótinn en eftir það er leiðin meira og minna niður á við eða flöt. Hækkunin er samtals um 600 m og hæsti punktur er í Haukadalsskarði.
- 26 km hlaup: Nokkurn veginn á miðri leið í 50 km hlaupinu er Kirkjufellsrétt (nálægt bænum Smyrlhóli í Haukadal) og þar verður 26 km hlaupið ræst um það bil sem von er á hlaupurum úr Hrútafirði.
- 12 km hlaup: 12 km hlaupið er nýjung og hefst í malarnámunni skammt frá veiðihúsinu við Haukadalsá.
- 7 km hlaup: Loks er hægt að velja síðasta legginn, um 7 km leið frá Búðardalsflugvelli á Kambsnesi yfir í Búðardal. Hlaupið verður ræst þegar von er á hlaupurum úr lengri hlaupunum.
Meðan á hlaupinu stendur geta yngsta kynslóðin og áhangendur hennar skottast Póststubbinn, stuttan hring í hjarta Búðardals, og þegið veitingar og glaðning þegar komið er í mark.
Sætaferðir verða úr Búðardal að rásmörkum við Bálkastaði, Kirkjufellsrétt, malarnámuna og Búðardalsflugvöll. Á leiðinni verður boðið upp á drykkjarstöðvar og brautargæslu. Í marki verður boðið upp á hollar veitingar úr héraði.
Kort og hæðarkort
Kort af leiðinni er neðst á þessari síðu. Sjá líka hér fyrir neðan.
- Kort og hæðarkort af 50 km leiðinni
- Kort og hæðarkort af 26 km leiðinni
- Kort og hæðarkort af 12 km leiðinni
- Kort af 7 km leiðinni
Sætaferðir
Sætaferðir verða að morgni hlaupadags úr Búðardal að rásmörkum við Bálkastaði, Kirkjufellsrétt, malarnámuna og Búðardalsflugvöll. Þeir sem afþakka sætaferðina við skráningu geta þó pantað far með því að senda tölvupóst á ragnark@postur.is, í síðasta lagi 19. júlí 2025 (ef enn eru laus sæti).
Rástímar og rútuferðir
- 50 km kl. 9:00 frá Bálkastöðum
Rúta fer frá gamla pósthúsinu í Búðardal kl. 7:45 - 26 km kl. 11:30 frá Kirkjufellsrétt (nálægt bænum Smyrlhóli)
Rúta fer frá gamla pósthúsinu í Búðardal kl. 10:30 - 12 km kl. 12:30 frá malarnámunni
Rúta fer frá gamla pósthúsinu í Búðardal kl. 11:45 - 7 km kl. 13:30 frá Búðardalsflugvelli.
Rúta fer frá gamla pósthúsinu í Búðardal kl. 13:00 - Póststubburinn hefst við MS í Búðardal kl. 12:30
Skráning og þátttökugjald
Skráning fer fram á hlaup.is sjá hér fyrir ofan. Hægt verður að skrá sig til kl. 12:00 föstudaginn 25. júlí. Þátttökugjöld eru eftirfarandi:
- 50 km: 9.000 kr. (auk fargjalds 3.000 kr. ef óskað er eftir því)
- 26 km: 6.000 kr. (auk fargjalds 2.000 kr. ef óskað er eftir því)
- 12 km: 4.500 kr. (auk fargjalds 1.500 kr. ef óskað er eftir því)
- 7 km: 2.500 kr. (auk fargjalds 1.000 kr. ef óskað er eftir því)
- Skráning í Póststubbinn (1,5 km) hefst kl. 12:00, aðgangur er ókeypis
Hinn 4. júlí 2025 hækka gjöldin í 11.000 kr, 8.000 kr, 6.000 kr. og 4.000 kr.
Innifalið í þátttökugjaldi er:
- Tímataka og númer
- Brautar- og öryggisgæsla
- Drykkir og næring á drykkjarstöðvum og í marki
- Salernisaðstaða við rásmark (50 km, 26 km, 12 km og 7 km) og í marki
- Flutningur á farangri frá rásmarki að endamarki
- Verðlaun (fyrir þrjú fyrstu sætin í karla- og kvennaflokki), auk útdráttarvinninga.
Afhending keppnisgagna er kl. 11-18 fimmtudaginn 24. júlí og föstudaginn 25. júlí í versluninni Hlaupár, Fákafeni 11 í Reykjavík, og á keppnisdag, 26. júlí, við pósthúsið í Búðardal.
Athugið að skráningu í hlaupið lýkur kl. 12:00 föstudaginn 25. júlí eða fyrr ef selst upp í einstakar vegalengdir.
Hagnýtar upplýsingar
Rúta flytur hlaupara að startinu við Bálkastaði, Kirkjufellsrétt og Búðardalsflugvelli (kl. 7:45, 10:30, 11:45, 12:00). Á leiðinni verður boðið upp á drykkjarstöðvar og brautargæslu. Við rásmark í hlaupunum þremur er salernisaðstaða, sem og í Búðardal. Að loknu hlaupi verður hlaupurum boðið upp á holla og góða hressingu úr héraði. Nánari upplýsingar er að finna á Facebook-síðu hlaupsins.
Drykkjarstöðvar
Drykkjarstöðvar verða við virkjun í Ormsá (8 km), efst í Haukadalsskarði (15 km), við Kirkjufellsrétt (24 km), við Haukadalsvatn (37 km) og á Breiðamel (46 km). Síðustu tvær drykkjarstöðvarnar þjóna einnig hlaupurum sem ætla 26 km. Hlauparar í öllum vegalengdum geta fengið sér hressingu við Breiðamel áður en þeir rúlla síðasta spölinn heim í Búðardal.
Á drykkjarstöðvunum verður boðið upp á vatn og orkudrykk. Hlauparar koma með eigin mál eða brúsa undir drykki þar sem ekki verða í boði einnota mál. Við endamarkið við pósthúsið í Búðardal verður veitt hressing úr héraði.
Brautarvarsla og merkingar
Auðvelt er að rata alla leið þar sem hlaupið er eftir jeppaslóða framan af og fjallvegi síðari hlutann þar til komið er niður að þjóðvegi. Þá er farið eftir reiðvegi sem liggur meðfram þjóðveginum. Síðasti spölurinn liggur um Búðardal. Merkingum verður komið fyrir þar sem hætt er við að einhver geti villst og brautarvarsla verður við vegamót. Á leiðinni eru margir lækir sem ekki eru farartálmar fyrir hlaupara. Á einum stað þurfa 50 km hlauparar að vaða Haukadalsá og þar verður aðstoðarfólk til taks.
Verðlaun
Verðlaun verða veitt fyrir þrjú efstu sætin í karla- og kvennaflokkum í hverri vegalengd, auk útdráttarvinninga.
ITRA-stig
Pósthlaupið hefur verið metið af ITRA (International Trail Running Association) og úthlutað ITRA-stigum:
- 50 km = 2 ITRA-stig
- 26 km = 1 ITRA-stig
Skilmálar
Þátttakendur taka þátt í hlaupinu á eigin ábyrgð og eiga ekki kröfurétt á framkvæmdaaðila hlaupsins vegna atburða sem verða í tengslum við hlaupið. Skráður þátttakandi er ábyrgur fyrir hlaupanúmeri og er óheimilt að láta það öðrum í té til þátttöku í hlaupinu. Sá sem hleypur með númer sem ekki er skráð á hann af mótshaldara er ekki gildur þátttakandi. Í 26 km og 50 km er 18 ára aldurstakmark.
Hægt er að fá 50% af þátttökugjaldinu endurgreitt til 1. júlí 2025 með því að senda póst á ragnark@postur.is. Ef mótshaldari þarf að aflýsa hlaupinu með stuttum fyrirvara vegna náttúruhamfara, veðurs eða annarra ófyrirsjáanlegra ástæðna verða 50% þátttökugjaldsins endurgreidd. Óska má eftir nafnabreytingu með því að senda póst á ragnark@postur.is.
Þátttakendum ber að sýna náttúrunni virðingu og ekki er heimilt að henda neinu rusli á leiðinni, nema í þar til gerð ílát á drykkjarstöðvum. Sýna ber öðrum þátttakendum, göngufólki og hestamönnum tillitssemi á leiðinni og hlýða fyrirmælum starfsfólks í hvívetna. Utanaðkomandi aðstoð við keppendur er óheimil, nema í neyð. Þátttakendum ber að aðstoða aðra þátttakendur í neyð þar til önnur viðeigandi hjálp berst.
Þátttakendur bera ábyrgð á eigin búnaði og ber að klæða sig eftir veðri og veðurspá. Skyldubúnaður í lengsta hlaupinu er eftirfarandi:
- Drykkjarmál eða brúsi til að sækja vatn í læki og á drykkjarstöðvum
- Fullhlaðinn farsími
- Álteppi
- Flauta
- Húfa/buff og hanskar
Þátttakendur skulu hafa keppnisnúmer sýnilegt allt hlaupið.
Keppnisstjóri getur vísað þeim sem fylgja ekki settum reglum úr hlaupinu. Einnig er keppnisstjóra heimilt að stöðva hlaupið eða aflýsa því vegna utanaðkomandi aðstæðna.
Með skráningu í hlaupið samþykkir þátttakandi framangreinda skilmála.
Gisting og afþreying
Á svæðinu eru fjölmargir gistimöguleikar og ýmis afþreying í boði, sjá booking.com og west.is.
Sundlaug
Hlauparar eru velkomnir í sundlaugina á Laugum í Sælingsdal sem er opin kl. 10-18 alla daga.
Nánari upplýsingar
Facebook-síða hlaupsins er Pósthlaupið. Nánari upplýsingar veitir hlaupstjóri, Ragnar Kristinsson (ragnark@postur.is), sími 825 1084.