Sólstöðuhlaupið er nýtt utanvegahlaup í Vaðlaheiði við Eyjafjörð sem verður haldið á Sumarsólstöðum laugardaginn 21. júní.
Ungmennafélagið Æskan á Svalbarðsströnd skipuleggur hlaupið og sér Björgunarsveitin Týr um gæslu á hlaupaleiðinni. Rásmarkið er á Svalbarðseyri og hlaupið endar við Skógarböðin. Skógarböðin er stærsti styrktaraðilinn í hlaupinu og fyrstu 200 sem skrá sig fá aðgang í Skógarböðin eftir hlaupið.
Sjá myndir úr prufuhlaupinu sem var haldið 14. september 2024.
Innifalið í þátttökugjaldi:
- 200 fyrstu sem skrá sig fá aðgang í Skógarböðunum eftir hlaupið
- Rúta frá Akureyri í startið á Svalbarðseyri (skráning nauðsynleg)
- Rúta frá Skógarböðunum til Akureyrar kl. 02:00 (skráning nauðsynleg)
- Íslensk kjötsúpa í markinu ásamt drykkjum
- Lengri opnunartími fyrir hlaupara í Skógarböðin, opið til kl. 2:00
- Lifandi tónlist í Skógarböðunum frá kl. 24:00
- Brautargæsla og tímataka með flögu
Vegalengdir
Boðið er upp á tvær vegalengdir og eru báðar vegalengdir viðurkenndar af iTRA (til að fá iTRA stig þarf að skrá fullt nafn og kennitölu við skráningu):
- 14,2 km með 302m hækkun, 340m lækkun - Frábær hlaupaleið fyrir byrjendur í utanvegahlaupi
- 26 km með 753m hækkun, 788m lækkun
Kort af hlaupaleiðunum eru neðst á þessari síðu.
Tvær drykkjarstöðvar á hvorri leið, boðið verður upp á vatn og Gatorade.
Skráning og afhending gagna
Skráning í hlaupið fer fram á hlaup.is, sjá hér efst á þessari síðu og verður til miðnættis laugardaginn 14. júní. Hámarksfjöldi þátttakenda í hlaupið er 300 manns. Þátttökugjöld eru eftirfarandi:
- 14,2 km: 10.900 kr. til og með 23. apríl. 12.500 kr frá og með 24. apríl
- 26 km: 12.900 kr. til og með 23. apríl. 14.900 kr frá og með 24. apríl
Við skráningu í hlaupið þarf einnig að skrá sig í rútuna, báðar leiðir og Skógarböðin.
Ræst verður frá íþróttavellinum á Svalbarðseyri, stefnt er að því að ræsa 26 km hlaupið kl 20:15 og svo 14 km hlaupið kl 21:00. ATHUGIÐ að þessi tímar gætu breyst!
Rúta verður í boði frá Akureyri að rásmarkinu á Svalbarðseyri og svo til baka til Akureyrar kl. 02:00 frá Skógarböðunum. Við skráningu í hlaupið þarf að skrá sig í rúturnar og við viljum hvetja hlaupara til að nýta sér þessa þjónustu. Athugið að rútan er innifalin í verðinu þar sem ekki verður heimilt fyrir hlaupara að leggja við Skógarböðin.
Afhending hlaupagagna verður auglýst síðar á Facebook og Instagram síðum hlaupsins.
Ef keppendur vilja taka með tösku þá verður hægt að merkja töskuna sína og skilja hana eftir í startinu. Töskurnar verður síðan hægt að sækja við Skógarböðin.
Verðlaun og keppnir
Eftirfarandi verðlaun eru í boði:
- Verðlaun fyrir fyrstu 3 sæti í karla og kvennaflokki verða í báðum vegalengdum
- Fjöldi útdráttarverðlauna
- 2 x segmentverðlaun
Skilmálar
Með skráningu í Sólstöðuhlaupið:
- Afsala keppendur sér öllum rétti til að krefjast skaðabóta frá Sólstöðuhlaupinu eða samstarfsaðilum þess vegna meiðsla, veikinda eða slysa sem aðilar gætu orðið fyrir vegna þátttöku í hlaupinu.
- Gefa keppendur skipuleggjendum leyfi til að nota myndir sem teknar eru í hlaupinu fyrir auglýsingar
- Eru keppendur með bindandi skráningu. Enginn hluti þátttökugjaldsins fæst endurgreiddur ef skráður einstaklingur getur ekki tekið þátt af einhverjum ástæðum, s.s. vegna veikinda eða meiðsla.
Nánari upplýsingar
- Sólstöðuhlaupið er styrktarhlaup, allur ágóði af hlaupinu, ef einhver verður, mun renna til Ungmennafélags Æskunnar á Svalbarðsströnd og Björgunarsveitarinnar Týs.
- Nánari upplýsingar á heimasíðu hlaupsins
- Netfang hlaupsins: solstoduhlaup@gmail.com
- Tengiliðir: Anna: 662-0666 og Arnar: 662-2891