Hlaup.is heldur námskeið fyrir hlaupara, byrjendur og lengra komna, þar sem farið er yfir helstu atriði í tengslum við hlaupaþjálfun og flest þau atriði sem huga þarf að í tengslum við hlaup. Hlaupanámskeiðin henta vel sem grunnur fyrir byrjendur eða lengra komna sem langar til að fræðast og ná meiri hraða og úthaldi. Námskeiðið er líka frábær viðbót fyrir alla þá sem stunda hlaup reglulega með skokkhópum.

Skráning á námskeiðið í Reykjavík mánudaginn 21. okt, mánudaginn 28. okt og miðvikudaginn 30. okt.

Allir sem koma á námskeiðið fá gjafabréf fyrir máltíð á veitingastaðnum Culiacan.

Umsagnir
Nokkrar umsagnir frá þátttakendum á námskeiðum sem haldin hafa verið:

Margrét Elíasdóttir, þjálfari KR-skokk
"Frábært námskeið, virkilega vandað og vel farið yfir allt sem við kemur hlaupum bæði fyrir byrjendur og lengra komna.
Mun nýtast mér mikið í minni þjálfun hjá KR-skokk. Mæli heilshugar með þessu námskeiði fyrir alla hlaupara."

Ívar Trausti Jósafatsson, hlaupaþjálfari hjá Þríkó.
"Ég fór á tveggja kvölda Fræðslunámskeið hjá Torfa á hlaup.is í september 2014.
Líkaði virkilega vel og út frá mínu sjónarhorni sem hlaupara og þjálfara sé ég námskeiðið sem ávinning fyrir alla.
Farið var yfir alla þætti sem skipta máli í þjálfun, góð upprifjun á ýmsu og margt nýtt lært.
Námsefnið hjálpar svo sannarlega í þjálfun."

Agnar Jón Ágústsson, maraþonhlaupari og forsvarsmaður Hlaupahóps Stjörnunnar     
Virkilega vandað, yfirgripsmikið og skemmtilegt námskeið um hlaup hjá Torfa.  Fór á tveggja kvölda námskeið veturinn 2015. Þetta er námskeið sem nýtist öllum hlaupurum, bæði þeim sem hafa reynslu og þekkja vel til, þeim sem eru að byrja og allt þarna á milli. Efnið er vel sett upp, farið er yfir alla þætti sem skipta máli í hlaupum. Torfi er skemmtilegur fyrirlesari og heldur manni vel við efnið allan tímann og setur hlutina í samhengi. Mæli eindregið með þessu námskeiði hans Torfa.   

Óskar Jakobsson þjálfari hlaupahóps Vals skokk
Mjög fróðlegt og ýtarlegt námskeið hjá Torfa. Var gott að sækja hlaupanámskeiðið til að auka þekkingu mína og einnig til að skerpa á hlutum sem ég átti að vita. Er þegar farinn að nýta mér námskeiðið sem þjálfari.  Hann fer yfir þætti sem nýtast hlaupurum eins og við val á skóm og fatnaði, undirbúa keppnishlaup,  algengustu meiðsl og hvernig er best að styrkja líkamann til að koma í veg fyrir álagsmeiðsl.  Þetta er námskeið sem allir hlauparar ættu að sækja. Takk fyrir mig!

Eftir að námskeiðinu lýkur hafa þátttakendur fengið skilning á öllum helstu hugtökunum í tengslum við hlaup og hlaupaþjálfun og samhengi ýmissa þátta í tengslum við árangursríkan og meiðslafrían hlaupaferil. Allir sem koma á námskeiðið fá gögn til að taka með sér.

Námskeiðin hafa verið haldin frá árinu 2009.

Skráning á námskeiðið í Reykjavík mánudaginn 21. okt, mánudaginn 28. okt og miðvikudaginn 30. okt.

Hluti af þátttakendum á námskeiði í mars 2014

Á námskeiðinu verður meðal annars farið yfir eftirfarandi:

• Hvað þarf að hafa í huga þegar byrjað er að hlaupa?
• Æfingahugtökin, æfingamagnið, æfingáætlanir
  • Mismunandi tegundir af æfingum sem æfingaáætlanir þurfa að innihalda til að ná árangri og framförum, eru kynntar.
  • Hversu mikið á að hlaupa, hversu langt á að hlaupa á æfingum og á hvaða hraða.
  • Uppbyggingu æfingaáætlana og æfingaáætlanir fyrir byrjendur og lengra komna kynntar.
• Þjálfun með púlsmæli
  • Notkun púlsmælis á hlaupaæfingum. Farið er í hámarkspúls, hvíldarpúls og hver æfingapúlsinn á að vera. 
• Hlaupastíll
  • Helstu atriði sem skipta máli í góðum og hagkvæmum hlaupastíl og æfingar til að bæta stílinn.
• Mataræði
  • Hvað er það sem skiptir máli í mataræði? Hvernig á að nærast þegar æft er af kappi? Orka í keppnishlaupum. Einnig verður fjallað um orkubúskap líkamans
• Teygjur og liðleikaæfingar
  • Af hverju á að teygja, hvernig á að teygja, hvenær á að teygja, hvað á að teygja? Farið er í fjölda teygjuæfinga bæði í fyrirlestri og í verklegum tíma.
• Styrktaræfingar
  • Til hvers eru styrktaræfingar og hver eru áhrif þeirra á árangur? Farið er í fjölda styrktaræfinga í fyrirlestri og verklegum tíma.
• Meiðsli og fyrirbyggjandi aðgerðir
  • Algengustu meiðsli hlaupara og orsakir þeirra og helstu forvarnir. Hvernig er besta að haga æfingum til að minnka líkur á meiðslum?
• Konur og hlaup - Hvernig þurfa konur að hátta sínum æfingum öðruvísi en karlmenn ?
• Útbúnaður og val á útbúnaði - Skór, fatnaður, tæki
  • Hvernig á að velja skó, hvaða týpa af skóm hentar hverju hlaupalagi og hvernig velja á stærð á skóm? Ending á skóm og mismunur á hinum ýmsu skótýpum. Hvað eru bestu skórnir, hvernig á að velja skó með tilliti til mismunandi undirlags og/eða vegalengdar?
  • Hvernig fatnaður hentar best við mismunandi aðstæður, sumar og vetur.
  • Ýmis aukabúnaður sem hlauparar nota, púlsmælar, GPS mælar, drykkjarbelti ofl. 
• Almenningshlaup og undirbúningur fyrir hlaup
• Ýmislegt fleira.

Ef þú ert byrjandi eða búin(n) að hlaupa í einhvern tíma og langar til að ná fræðast og ná meiri hraða og úthaldi, þá er hlaupanámskeið hlaup.is fyrir þig!

Námskeið í Reykjavík
Námskeiðið er tveir fyrirlestrar frá 18:00-21:30 og einn verklegur tími 17:15-18:30.

• Skráning á námskeiðið í Reykjavík mánudaginn 21. okt, mánudaginn 28. okt og miðvikudaginn 30. okt.

Á verklegri hlaupaæfingu (mjög létt æfing) verður farið yfir þá þjálfunarþætti sem farið er yfir á fyrirlestrunum og sýnt hvernig framkvæma á hinar ýmsu hlaupaæfingar. Athugaðu að ef verklegi tíminn hentar þér ekki, getur þú fengið að taka hann á öðrum tíma. Hlaupaæfingin tekur um 1-1,5 klst.

Staðsetning
Námskeiðið verður haldið í fyrirlestrarsal á 3. hæð í húsi ÍSÍ í Laugardalnum (Íþrótta- og Ólympíusamband Íslands íþróttamiðstöðinni Laugardal, sjá staðsetningu á ja.is). Þegar þið komið inn gangið þið til hægri upp á 3. hæðina og við verðum þar í E eða D salnum. Verklegi tíminn er haldinn í Laugardalnum og við hittumst í anddyri Laugardalssundlaugarinnar. 

Verð
Verðið á námskeiðinu er 15.500 kr og er hægt að skipta greiðslum eftir hentugleikum. Greiða þarf staðfestingargjald 5.000 kr við skráningu inn á reikning 528-26-2508, kt. 420503-2960, annars er skráningin ekki gild.

Fyrirtækjanámskeið
Viltu fá svona námskeið í þinn hóp eða þitt fyrirtæki? Hafðu samband við hlaup.is og þá er hægt að stilla námskeiðið af tímalega þannig að það henti hópnum eða fyrirtækinu.

Umsagnir
Nokkrar fleiri umsagnir frá þátttakendum á námskeiðum sem haldin hafa verið:

"Ég er alsæl, verið að hugsa um þetta í nokkurn tíma. Mjög gott námskeið, góð skil á efni og efnið gott. Hlakka til að takast á við að hlaupa"

"Mjög skemmtilegt og lærdómsríkt námskeið"

"Takk fyrir mig. Ég hleyp strax hraðar :-)"

"Þakka mikið gott og hvetjandi námskeið"

"Takk fyrir nauðsynlegt og gott námskeið"

"Bara mjög ánægð. Takk fyrir !"

Leiðbeinandi

Umsjónarmaður hlaup.is, Torfi H. Leifsson er leiðbeinandi á námskeiðinu. Torfi hefur stundað hlaup í yfir 25 ár og hefur séð um hlaup.is frá 1996. Vinsamlegast hafið samband við Torfa, torfi@hlaup.is, sími 845-1600 ef þið viljið fá nánari upplýsingar.

hef áhuga á að fara að hlaupa mæta á námskeið 10/okt n.k. get ég fengið lykilorð, kv. benni

Þú þarft ekki lykilorð, þú smellir bara á linkinn hér fyrir ofan "Skráning á námskeið í Reykjavík" og þá kemur upp skráningarformið sem þú fyllir út. Þar með ertu skráður á næsta námskeið.

Þessi linkur er á upplýsingasíðu námskeiðsins http://www.hlaup.is/namskeid

Er sem sagt nóg að mæta annaðhvort 10. eða 17. okt, þ.e. er sama efnið bæði kvöldin? Spyr, því ég er greinilega búin að missa af þessu síðan 10. en vil prófa að hlaupa...

Verða þessi námskeið í september, sé að ég kemst ekk á ágúst námskeiðið. 

Sennilega ekki fyrr en í október.

Hvað kostar þetta námskeið ?

Það kostar 11.500 kr. Það kemur fram í kaflanum um Verð hér fyrir ofan, en kannski það neðarlega að það fari framhjá lesendum.

Verður námskeið í maí?

Næsta námskeið verður 15, 18. og 22. apríl. Skráning er hafin.

sæll ..er ekki möguleiki að fá svona námskeið austur á land ef það verður næg þátttaka ?

Ég var með námskeið fyrir austan fyrir nokkrum árum og er alveg tilbúinn að endurtaka það. Ég er einmitt nýlega búinn að fá fyrirspurn að austan. Gætir þú haft samband við mig í tölvupósti, torfi@hlaup.is ?

Er námskeið á næstunni í Reykjavík?

Hvenær verður næsta námskeið. Langar að vera með og prufa hvort ég geti hlaupið.

Verð líklega með námskeið fyrstu vikuna í september. Set inn endanlegan tíma strax eftir helgina.

Sæll,væri gott að fá svona námskeið á Isafjörð

Sæll.
hvenær verður næsta námskeið?

Sæl Helga.
Afsakið hvað við erum lengi að svara. Næsta námskeið fer fram 23. janúar næstkomandi. Vonandi sjáum við þig. Skráningarformið má finna hér - http://hlaup.is/forms.asp?form_id=109&action=new 

Með hlaupakveðju, hlaup.is.

Góðan daginn,

Hvenær verður næsta námskeið?

Hvenær verdur næsta namskeid?

Sæl
Næsta námskeið hefst 7. febrúar. Upplýsingar og skráningarhlekk má finna hér https://www.hlaup.is/displayer.asp?cat_id=656

Hæ! ég er að sækja um án þess að vita almennilega hvað ég er að fara út í, ég hef stundað líkamsrækt í liðlega ár bæði í tækjasal og í stirktaræfingum hjá Bjarna Sreinari í Kópavogslaug og mig langar að geta hlaupið/skokkað líka því ég þarf fjölbreytni í æfingakerfið mitt ég veit ekki hvaða upplýsingar þið viljið en alla vegna er ég með þessa þjálfun komin á seinna þroskaskeiðið,vel á mig komin líkamlega að ég best veit..

 Ég vil fá að heyra eitthvað frá þér Torfi áður en ég borga gengur það?

Kær kv.Erla Stefánsdóttir 

Sæl Erla. Endilega hringdu í mig ef þú vilt fá upplýsingar um námskeiðið. Kv. Torfi.

Góðan dag, eru einhver hlaupanámskeið áætluð á næstunni?
Kær kveðja 
Kristín

Það er kominn nýr námskeiðstími í október 2019. Mánudagur 21. okt og mánudagur 28. okt og verklegur tími miðvikudaginn 30. okt.

Sæll Torfi. Þesssi námskeið hljóma mjög spennandi. Það væri kannski athugandi fyrir ykkur að bjóða upp á streymi frá fyrirlestrunum, fyrir okkur út á landi. 
Kv. Bryndís á Ísafirði