Hjá Bændaferðum er ekkert lotterí, engin tímatakmörk og við eigum enn nokkur númer laus í eitt frægasta maraþonhlaup heims, New York maraþonið, sem haldið verður sunnudaginn 6. nóvember 2016.
Hjá Ragnheiði Stefánsdóttur var New York maraþonið númer eitt á listanum. Hér fyrir neðan má lesa brot úr skemmtilegri ferðasögu hennar, þar sem Ragnheiður segir frá upplifun sinni að hlaupa þetta frægasta maraþon í heimi.
„Ef ég ætlaði mér að hlaupa aðeins einu sinni maraþon erlendis þá skildi ég velja flottasta maraþonhlaupið. Niðurstaðan var að NYC maraþonið var að margra mati það flottasta og sannarlega mikil upplifun að taka þátt í því. Það sem gerir New York maraþon hlaupið svo magnað er fjölbreytnin í hlaupaleiðinni. Stemningin í hlaupinu öllu er algjörlega frábær sem áhorfendur eiga stóran þátt í að móta. Það eru eitthvað um 100 hljómsveitir að spila á leiðinni og fólk að dansa og syngja. Lýsingarorðin sem ég kann ná einhvern veginn ekki utan um þessa mögnuðu reynslu að taka þátt í þessu hlaupi. Þetta er án efa einn magnaðasti dagur sem ég hef upplifað og ómetanlega dýrmæt minning til framtíðar sem ég verð ævinlega þakklát fyrir að hafa fengið að upplifa."
Hægt er að lesa ferðasöguna í heild sinni inn á hlaup.is.
Láttu verða af því að strika þessa upplifun út af „Bucket" listanum þínum J
Nánari upplýsingar um ferðina á vef Bændaferða.