Fræðslufundir Framfara veturinn 2012-2012 verða haldnir í Íþróttamiðstöðin Laugardal við Engjaveg 3. hæð og er aðgangseyrir 1000 kr.
25. október 2012: Næring hlaupara
Kl. 20:00 - 21:15 Salur E
- Fríða Rún Þórðardóttir, næringarfræðingur, næringarráðgjafi, íþrótta næringarfræðingur
Farið verður yfir helstu þætti er snerta næringu hlaupara auk þess sem fjallað verður um næringarþörf kynjanna. Er hún mismunandi, er kolvetnahleðsla nauðsynleg fyrir maraþon og þarf maraþonhlaupari að nærast í hlaupinu sjálfu?
Fimmtudagur 22. nóvember 2012: Ofþjálfun; einkenni, meðferð, forvarnir
Kl. 19:30 - 21:00 Salur D
- Þórarinn Sveinsson, dósent við sjúkraþjálfunarskor Háskóla Íslands
- Fríða Rún Þórðardóttir, næringarfræðingur, næringarráðgjafi, íþrótta næringarfræðingur
- Hafrún Kristjánsdóttir, sálfræðingur Landspítala, dósent við Háskólann í Reykjavík
Farið verður yfir lífeðlisfræðilega kenningar og skýringar á ofþjálfun og hugmyndir um forvarnir, greiningar og meðferðir ræddar út frá því. Er hægt að greina ofþjálfun út frá andlegum einkennum? Hvernig má hindra ofþjálfun út frá sálfræðilegum og hugarfarslegum þáttum og hvernig skal meðhöndla ofþjálfun. Kemur svefn og hvíld við sögu. Hvernig tengist næring ofþjálfun og eða ofþjálfunareinkennum og má draga úr líkum á ofþjálfun með réttri næringu.
Fimmtudagur 17. janúar 2013: Geta allir hlaupið maraþon?
Kl. 19:30 - 21:00
- Gunnar Páll Jóakimsson, íþróttafræðingur og þjálfari
- Sigurður Pétur Sigmundsson, þjálfari
- Steinar Þór Guðleifsson, hlaupari og áhugamaður um hlaup og hreyfingu
Fjallað verður um þetta áhugaverða efni sem ætti að hitta beint í mark í þeirri miklu grósku sem verið hefur í langhlaupum á Íslandi á undanförnum árum. Er eitthvað sem þarf að varast, hvernig metum við hvort við erum tilbúin til að hlaupa heilt maraþon, hvaða grunn þurfa einstaklingar að hafa? Hvernig er gott að nálgast réttu þjálfunina og er meira betra?
Þriðjudagur 19. mars 2013: Þjálfun fyrir 10 km hlaup
Kl. 20:00 - 21:15
- Gunnar Páll Jóakimsson, íþróttafræðingur og þjálfari
- Stefán Guðmundsson, hlaupari og læknanemi
Fjallað verður um þjálfun fyrir 10 km hlaup og hvað þarf helst að leggja áherslu á. Getur 10 km þjálfun gagnast í öðrum vegalengdum?
Frestað fram á haust. Einkenni góðs afreksmanns
Kl. 20:00 - 21:30
- Haukur Ingi Guðnason, sálfræðingur og knattspyrnumaður
- Einar Vilhjálmsson, spjótkastsþjálfari og fyrrverandi afreksmaður í spjótkasti
- Rakel Gylfadóttir, þjálfari
Fjallað verður um þá líkamlegu og andlegu þætti sem skapa góðan afreksmann. Efnið er í senn vísindalegt en einnig mjög huglægt þar sem reynsla einstaklinga segir oft mikið og er á við margar vísindagreinar.
Um Framfarir
Framfarir eru hollvinafélag millivegalengda- og langhlaupara sem hefur það markmið að styðja við bakið á langhlaupurum á Íslandi með fræðslu og viðburðum. Leggja þannig grunninn að frábærum árangri íslenskra hlaupara í lengri vegalengdum í framtíðinni samhliða því að auka meðvitund um það hversu góð heilsurækt felst í hlaupaþjálfun og útiveru.
Nánari upplýsingar veitir
Fríða Rún Þórðardóttir, formaður Framfara, fridaruner@hotmail.com