Á hlaup.is gefst hlaupurum möguleiki á að gefa hlaupum einkunn fyrir hina ýmsu þætti í framkvæmd hlaupa sem og lokaeinkunn. Út frá einkunnagjöfinni eru hlaup ársins valin, annars vegar götuhlaup ársins og hins vegar utanvegahlaup ársins. Það ætti að vera skemmtileg rútína að loknu hverju hlaupi að þátttakendur gefi einkunnir, þannig fá framkvæmdaraðilar mikilvæga innsýn inn í upplifun þátttakenda og geta þar með bætt hlaupið fyrir næsta ár.
Hægt er að gefa einkunn því að ýta á viðeigandi hlekk sem ávallt fylgir úrslitasíðu hvers hlaups á hlaup.is. (Sjá mynd)
Ef þú gefur hlaupi einkunn átt þú möguleika á að vinna einn af fjölmörgum útdráttarvinningum sem dregnir verða út þegar einkunnagjöf fyrir árið 2017 lýkur. Tilkynnt verður um götuhlaup ársins og utanvegahlaup ársins á sérstakri verðlaunaafhendingu sem hlaup.is hefur staðið fyrir mörg undanfarin ár.
Hjálpumst að við að búa til betri og meiri umgjörð í kringum hlaupasamfélagið, búum til stemmingu og gefum hlaupum einkunn.