Nirbhasa Magee, Íri sem búsettur hefur verið í Reykjavík síðustu 4 árin, tekur nú þátt í lengsta götuhlaupi heims, Sri Chinmoy 3100 mílna hlaupinu í New York: https://3100.srichinmoyraces.org/
Heildarvegalengdin er 3100 bandarískar mílur eða um 4989 km. Hlauparar hafa 52 daga til að klára og nú er komið fram á dag 39.
Nirbhasa hefur gengið vel hingað til. Hann kláraði sama hlaup árið 2015 á 51 degi og 12 klukkustundum. Núna gengur aðeins betur og hann er í 2. sæti sem stendur, en það eitt að klára hlaupið er afrek sem flestir myndu telja sig fullsæmda af.