Norðurlandamótið í Víðavangshlaupum fer fram 10. nóvember nk. í Laugardalnum í Reykjavík. Sterkir keppendur frá Danmörku, Noregi, Svíþjóð, Finnlandi og Færeyjum mæta til leiks og etja kappi við okkar bestu hlaupara.
Hver Norðurlandaþjóð má senda eitt lið til þátttöku á mótinu og má stærð liðsins vera:
- Stúlkur U20: Vegalengd: 4,5 km. Hámark: 7 hlauparar / 3 bestu tímar gilda til stiga.
- Konur: Vegalengd: 6,0 km. Hámark 7 hlauparar / 3 bestu tímar gilda til stiga.
- Karlar U20: Vegalengd: 7,5 km. Hámark: 7 hlauparar / 3 bestu gilda til stiga.
- Karlar: Vegalengd: 9,0 km. Hámark 8 hlauparar / 4 bestu gilda til stiga.
Að Norðurlandamótinu loknu mun fara fram sveitakeppni milli hlaupahópa. Hver hlaupahópur getur þá sent 5 manna hlaupalið til keppni og mun það lið sem er með minnsta samanlagða hlaupatímann sigra keppnina.
Stuðst verður við úrslit úr víðavangshlaupi Íslands og Framfarahlaupunum við val á La ndsliði Íslands. Sjá nánari upplýsingar um valreglur á landsliði Íslands í víðavangshlaupum hér.
Nánari upplýsingar þegar nær dregur.