Keppnin fljótasti iðnaðarmaður Íslands er ekki keppni um hver er fljótastur að saga spítu eða úrbeina naut! Fljótasti iðnaðarmaður Íslands er ný íþróttakeppni á vegum Iðnaðarmenn Íslands og er stefnt er að því að viðburðurinn fari fram árlega.
Hlaupið verður upp og niður Helgarfell í Hafnarfirði. Helgafell er 338 metra hár móbergsstapi suðaustur af Hafnarfirði. Fjallið myndaðist við gos undir jökli seint á ísöld.
Hvernig fer keppnin fram?
- Til þess að geta tekið þátt þarf að sýna fram á meistarabréf eða sveinsbréf í einhverri af þeim rúmlega 50 löggildu iðngreinum sem til eru.
- Allir skráðir keppendur geta tekið þátt í forkeppninni á tímabilinu 10.júlí til 20.ágúst
- Forkeppnin fer þannig fram að keppendur notast við t.d Runkeeper, Strava, Endomondo eða sambærilegt app til að senda inn tímann sinn ( leiðin yrði ákveðin fyrirfram).
- Iðnaðarmenn Íslands halda utan um tímana sem berast inn.
- Þáttakandi getur hlaupið aftur og aftur til að ná sem efst á listann því hann verður lifandi í appinu, Iðnaðarmenn Íslands.
- Sjálf lokakeppnin fer fram laugardaginn 31.ágúst 2019.
Mikilvægt! Aðeins tíu efstu karlar og tíu konur munu keppa upp og niður Helgarfell á keppnisdegi 31.ágúst.2019.
Ráspóll: Keppendur verða ekki settir af stað á sama tíma (hugmyndin er að hafa ca 3 mín á milli keppenda - minnkar slysahættu).
Þar sem þetta er í fyrsta skiptið sem svona keppni er haldin á Íslandi verða aðeins veitt verðlaun fyrir 1. og 2. sæti karla og 1. og 2. sæti kvenna. Þátttökugjaldið fyrir keppendur er ekkert heldur þarf aðeins að vera búið að sýna fram á sveinsbréf eða meistarabréf.
Hér að neðan má sjá hraðupptöku af hlaupaleiðinni.
Gæti þetta verið skemmtilegur hvati fyrir þá sem huga að iðnámi að drífa sig af stað í skóla? Nú eða hvati fyrir þá sem eftir eiga að klára, að klára námið? Því hugsunin er að hafa þetta árlega.
Nánari upplýsingar veitir:
Hjálmar Friðbergsson, Iðnaðarmenn Íslands vefir ehf. S: 840-3365