Þorbergur Ingi Jónsson (2033 stig) og Elísabet Margeirsdóttir (1825 stig) eru langhlauparar ársins 2016 að mati hlaupara og lesenda hlaup.is. Verðlaunin voru afhent í áttunda skipti í dag, sunnudaginn 12. febrúar. Í öðru sæti höfnuðu Kári Steinn Karlsson (2023 stig) og Helen Ólafsdóttir (1799 stig). Í þriðja sæti lentu Ívar Trausti Jósafatsson (1523 stig) og Svava Rán Guðmundsdóttir (1655 stig).
Við þökkum stuðningsaðilum sem gáfu verðlaun en það voru Íslandsbanki sem gaf sigurvegurum 25 þús kr gjafakort og SÍBS verslun sem gaf sigurvegurum INOV-8 hlaupaskó. Einnig gaf SÍBS verslun INOV-8 hlaupaboli og 1000 mile hlaupasokka fyrir 2-3. sæti. Dansport gaf Saucony hlaupaskó í útdráttarverðlaun. Allir tilnefndir fengu Squeezy gelkassa frá hlaup.is.
Þrír efstu í kvenna og karlaflokki.Frá vinstri: Ívar Trausti Jósafatsson, Kári Steinn Karlsson, Bjartmar Örnuson sem tók við verðlaunum fyrir Þorberg Inga Jónsson, Elísabet Margeirsdóttir, Helen Ólafsdóttir og Svava Rán Guðmundsdóttir.
Elísabet er að hljóta nafnbótina þriðja árið í röð og Þorbergur annað árið í röð. Kosið var á milli sex hlaupara í karlaflokki og sex hlaupara kvennaflokki eftir að lesendur hlaup.is sendu inn tilnefningar.
Karlar RöðNafnStig1Þorbergur Ingi Jónsson20332Kári Steinn Karlsson20233Ívar Trausti Jósafatsson15234Jóhann Karlsson14945Arnar Pétursson14566Stefán Guðmundsson1446 Konur RöðNafnStig1Elísabet Margeirsdóttir18252Helen Ólafsdóttir17993Svava Rán Guðmundsdóttir16554Arndís Ýr Hafþórsdóttir16425Rannveig Oddsdóttir16006Hrönn Guðmundsdóttir1454Viðtöl við sigurvegara og frekara uppgjör mun birtast á hlaup.is á næstu dögum.
Allir hlauparar (eða fulltrúar þeirrra) sem fengu viðurkenningar. Frá vinstri: Bjartmar Örnuson sem tók við verðlaunum fyrir Þorberg Inga Jónsson, Arnar Pétursson, Jóhann Karlsson, faðir Stefáns Guðmundssonar, Ívar Trausti Jósafatsson, Kári Steinn Karlsson, Arndís Ýr Hafþórsdóttir, Svava Rán Guðmundsdóttir, Helen Ólafsdóttir og Elísabet Margeirsdóttir.
Vestmannaeyjahlaupið götuhlaup ársins - Snæfellsjökulshlaupið utanvegahlaup ársins
Val á hlaupum ársins var einnig kunngjört á verðlaunaafhendingunni í dag. Vestmannaeyjahlaupið er götuhlaup ársins og Snæfellsjökulshlaupið utanvegahlaup ársins. Í flokki götuhlaupa hafnaði Fossvogshlaupið í öðru sæti og Stjörnuhlaup VHE í því þriðja. Í flokki utanvegahlaupa hafnaði Fjögurra skóga hlaupið í öðru sæti og Gullspretturinn í þriðja.
Rétt eins og með valið á langhlaupurum ársins þá eru það lesendur hlaup.is sem velja hlaup ársins með einkunnagjöfum.
RöðGötuhlaup 1Vestmannaeyjahlaupið2Fossvogshlaupið3Stjörnuhlaupið VHE RöðUtanvegahlaup1Snæfellsjökulshlaupið2Fjögurra skóga hlaupið3GullspretturinnKári Steinn Karlsson fyrir Vestmannaeyjahlaupið og Rán Kristinsdóttir og Fannar Baldursson umsjónarmenn Snæfellsjökulshlaupsins.