Halldóra Brynjólfsdóttir mastersnemi við sjúkraþjálfunarskor Háskóla Íslands leitar að hlaupurum og öðrum einstaklingum sem eru í góðu formi og væru tilbúnir til að fara í mjólkursýrumælingar á hlaupabretti þar sem mjólkursýruþröskuldur, púls við mjólkursýruþröskuld og þoltala er mælt.
Viðkomandi þurfa að vera á aldrinum 18-50 ára og mega ekki vera með neina sjúkdóma eða taka inn nein lyfsseðilsskyld lyf - sem gætu þá haft áhrif á þá í hlaupinu.
Mikilvægt er að viðkomandi geti mætt 2x - með ca 2-3 daga millibili en mælingarnar fara fram í Skógarhlíð 10 þar sem sjúkraþjálfunarskor HÍ er með aðstöðu. Þaðan er síðan tilvalið fyrir hlaupara að fara í Öskjuhlíðina og skokka sig niður á eftir.
Þeir sem áhuga hafa eða vilja kynna sér þetta nánar er bent á að hafa samband við Halldóru Brynjólfsdóttur í síma 865-2006 eða senda henni tölvupóst á halldob@hi.is.
Þetta er í raun tilvalið fyrir alla sem eru að æfa hlaup og vilja kynna sér þjálfunarástand sitt og hvort þjálfunin er að skila sér. Einnig fyrir fólk sem stundar annarskonar heilsurækt og vill vita hvernig líkamlegt form er.
Fríða Rún Þórðardóttir
Næringarfræðingur, næringarráðgjafi World Class
Unglingalandsliðsþjálfari FRÍ
Formaður Framfara Hollvinafélags Millivegalengda og langhlaupara.