Fríða Rún Þórðardóttir lenti í 3. sæti í kosningunni um Götu- og brautarhlaupara ársins 2025 í flokki kvenna. Haup.is tók viðtal við hana eftir verðlaunaafhendinguna þar sem hún gerði upp síðasta ár og sagði okkur frá verkefnum 2026 ásamt því að gefa hlaupurum góða ráð varðandi næringuna.
Yfirlit yfir síðasta ár
Fríða Rún sagði að síðasta ár hefði verið viðburðaríkt og gott hlaupaár þar sem hún tók þátt í mörgum hlaupum: á braut (inni og úti) og á götu. Hún sagði að hún hefði sérstaklega gaman af víðavangshlaupum og leggur sig fram við að taka þátt í þeim, t.d. á EM og HM.
Fríða Rún vann Norðurlandatitil í mars í fyrra, sem var stórsigur og keppti einnig í víðavangshlaupi á EM og varð önnur og svo tók hún þátt í NM innanhúss.
Fríða Rún hefur gaman af því að ferðast um landið og taka þátt í mismunandi hlaupum.
Framtíðaráform
Fríða Rún stefnir á EM í lok mars, NM úti og NM masters úti í byrjun júlí. Hún ætlar að taka þátt í mörgum götuhlaupum á þessu ári og markmiðið væri að njóta þess að hlaupa.
Fríða Rún sagði einnig að innanhústímabilið á Íslandi væri mikilvægt þar sem veðrið getur verið óútreiknanlegt fyrir utanhússæfingar.
Ráð til ungra hlaupara og kvenna
Fríða Rún, sem er næringarfræðingur, gaf hlaupurum eftirfarandi ráð:
- Hugsa vel um sig og næra sig vel.
- Ekki ganga á líkamann og borða of lítið.
- Borða hollt og oft yfir daginn.
- Fara vel nærður á æfingar til að gera þær ánægjulegri og árangursríkari.
- Borða sem fyrst eftir æfingu.