Akureyrarhlaup verður haldið á Akureyri fimmtudaginn 30. júní. Keppt er í þremur vegalengdum 5 km, 10 km og hálfmaraþoni og er hálfmaraþonið jafnframt Íslandsmeistaramót í þeirri vegalengd. Keppni í hálfmaraþoni hefst kl. 19:00 hjá þeim sem gera ráð fyrir að vera lengur en 1:50:00 að hlaupa vegalengdina en hraðari hlauparar fara af stað kl. 19:30. Keppni í 5 km og 10 km hefst kl. 20:05.
Rás og endamark er við Hof við Strandgötu. Hlaupið er um eyrina og fram í Eyjafjörð og er hlaupaleiðin marflöt og vænleg til góðra afreka. Allar vegalengdir eru löglega mældar og mun framkvæmd hlaupsins taka mið af reglum FRÍ um framkvæmd götuhlaupa svo árangur fæst skráður í afrekaskrá FRÍ.
21,1 km leiðin er 10 km hringurinn hlaupinn tvisvar að viðbættum 1,1 km.
Skráning
Forskráning hér á hlaup.is, sjá efst á þessari síðu, og er opin til kl. 24:00 miðvikudaginn 29. júní.
Skráningargjöld eru eftirfarandi:
- 5 km hlaup kr. 2.500
- 10 km hlaup kr. 3.500
- Hálfmaraþon kr. 6.000
- 18 ára og yngri greiða aðeins 1.500 kr í allar vegalengdir.
Allir sem eru 18 ára og yngri fá frían verðlaunapening en 19 ára og eldri geta keypt verðlaunapening á 500 kr.
Verðlaun
Veitt verða verðlaun fyrir fyrstu þrjú sætin í öllum vegalengdum og verðlaunapeningar fyrir aldursflokka. Auk þess mun T- plús veita peningaverðlaun að upphæð kr. 50.000 fyrir ný brautarmet í öllum vegalengdum. Einnig verða dregin út fjöldi útdráttarverðlauna.
Nánari upplýsingar
Nánari upplýsingar um hlaupið eru á heimasíðu UFA, á netfangi ufaeyrarskokk@gmail.com eða í síma 894-4243.