Austur Ultra verður haldið í fjórða sinn þann 3. ágúst næstkomandi. Í Austur Ultra er hlaupið um land Stafafells í Lóni á Austurlandi, einnig þekkt sem Lónsöræfi. Svæðið er eitt stórkostlegasta og fjölbreytilegasta þversnið af íslenskri náttúru sem hægt er að komast í. Frá hálendismelum um grösugan dal óbyggðanna. Eftir litskrúðugum skriðum, hrikalegu jökulsárgljúfri og gróskumiklum birkiskógi.
Vegalengdir
Þrjár vegalengdir eru í boði, 53 km, 18 km og 9 km. Rásmark allra vegalengda verður í Hvannagili. Þangað komast allir bílar og þar er einnig hægt að leggja bílum. Hvannagil er í um 10 mínútna keyrslu af þjóðvegi 1 og koma keppendur sér sjálfir að rásmarkinu.
Drykkjarstöðvar verða við Eskifellsbrú, Kollumúla og í Hvannagili. Endamark verður á tjaldstæðinu á Stafafelli og verður þar tónlist, grill og drykkir.
Austur Ultra 53 km
- Skráningargjald: 19.900 kr.
- Rásmark – Hvannagil
- Endamark - Stafafell
- Vegalengd - 53 km
- Hækkun - 1890 m
- Lækkun - 1928 m
- Kort og GPX skrá af leiðinni
Austur Ultra 18 km
- Skráningargjald: 8.900 kr.
- Rásmark - Hvannagil
- Endamark - Stafafell
- Vegalengd - 17,7 km
- Hækkun - 577 m
- Lækkun - 614 m
- Kort og GPX skrá af leiðinni.
Austur Ultra 9 km
- Skráningargjald: 5.900 kr.
- Rásmark - Hvannagil
- Endamark - Stafafell
- Vegalengd - 9 km
- Hækkun - 216 m
- Lækkun - 260 m
- Kort og GPX skrá af leiðinni.
Skráningar
Skráning er á netskraning.is.