Fjarðarhlaupið verður haldið laugardaginn 17. ágúst kl 10:00 á Ólafsfirði.
Eins og venja er með Fjarðargönguna þá verður fyrst og fremst hrikalega gaman hjá okkur í Fjarðarhlaupinu! Flott umgjörð, tónlist, úrdráttarveðlaun, veitingar eftir keppni, allir fá þátttökuverðlaun en fyrst og fremst höfum við gaman!
Vegalengdir og skráning
Hægt verður að velja um nokkrar vegalengdir, 500m, 1 km, 1.500 me barnahlaup, 5 km eða 10 km götuhlaup (skemmtiskokk), 18 km og 32 km utanvegahlaup.
- 500 m, 1 km og 1.500 m Barnahlaup fyrir 10 ára og yngri, ekkert þátttökugjald
- 5 km og 10 km, skemmtiflokkur fyrir alla, þátttakandi ræður vegalengd, 4.000 kr.
- 18 km, fjallahlaup 12 ára og eldri, 8.000 kr (innifalinn akstur í start frá Ólafsfirði)
- 32 km, fjallahlaup 17 ára og eldri, 12.000 kr (innifalinn akstur í start frá Ólafsfirði)
Leiðarlýsing
Barnahlaup 500m, 1.000m, 1.500m
Ræst er í miðbæ Ólafsfjarðar. Hlaupið ætlað 5 ára og yngri, 6-8 ára og 9-10 ára.
5 km og 10 km götuhlaup
Ræst er í miðbæ Ólafsfjarðar og hlaupinn 5 km eða 10 km hringur á götum og stígum. Hlaup sem hentar öllum.
18 km fjallahlaup
- Hlaupið er fyrir 12 ára og eldri
- Heildarhækkun: 656m
- Drykkjarstöðvar: 1
- GPX track: væntanlegt
- ITRA stig: 1
Ræst er frá Héðinsfjarðargöngum og hlaupið sem leið liggur að Víkurdal, hlaupið inn dalinn og yfir Rauðskörð (600m) og niður Ytri-Árdal að Kleifum í Ólafsfirði. Endamark er í miðbæ Ólafsfjarðar og er leiðin alls rúmlega 18 km löng.
32 km fjallahlaup
- Hlaupið er fyrir 17 ára og eldri
- Heildarhækkun: 1.291m
- Drykkjarstöðvar: 2
- GPX track: væntanlegt
- ITRA stig: 2
Ræst verður frá Sigló Hótel og hlaupið sem leið liggur inn Hólsdal í Siglufirði og upp í Hólsskarð. Þar er stefnan tekin niður Ámárdal, niður í Héðinsfjörð að Héðinsfjarðargöngum. Þá er stefnan sett á Víkurdal yfir Rauðskörð og niður Ytri-árdal að Kleifum í Ólafsfirði. Endamark er í miðbæ Ólafsfjarðar og er leiðin alls um 32 km löng. Farið yfir tvo fjallgarða sem báðir eru í um 600 m hæð yfir sjó.
- Relive útgáfa af leiðinni Siglufjörður / Héðinsfjörður
- Relive útgáfa af leiðinni Héðinsfjörður / Ólafsfjörður
Drög að dagskrá fyrir laugardaginn 17. ágúst
- 8:00-9:30 Afhending keppnisgagna (staðsetning nánar auglýst síðar)
- 10:00 Fjarðarhlaupið 32 km, ræst frá Sigló Hótel
- 11:00 Fjarðarhlaupið 18 km, ræst frá Héðinsfirði
- 12:00 Fjarðarhlaupið 5 km og 10 km, ræst frá miðbæ Ólafsfjarðar.
- 12:10 Barnahlaupið 1 km, ræst frá miðbæ Ólafsfjarðar
Nánari upplýsingar
Sendið póst á: skidafelagolf@gmail.com
Kort af leiðinni
