Gullspretturinn er hlaup í kringum Laugarvatn sem fram fer þann 12. júní og hefst kl. 11 við gróðurhúsið niður við vatn.
Uppselt er í hlaupið og ekki er lengur skráð á biðlista.
Vegalengd og leið
Hlaupið verður í kringum Laugarvatn yfir ár, mýrar, móa með frjálsri aðferð. Vegalengdin er ca. 8,5 km og drykkjarstöð verður við Útey eftir að Hólárós hefur verið vaðinn.Tímataka fer fram með flögum.
Skráning og þátttökugjald
Forskráning fer fram hér á hlaup.is, sjá efst á þessari síðu og hefst þann 1. apríl kl. 12:00 og er opin til kl. 20 fimmtudaginn 10. júní. Afhending gagna hefst kl. 8 á hlaupdag. Hámarksfjöldi þátttakenda er 300 manns í forskráningu. Eftir að hámarksfjölda er náð, þá verður hægt að skrá sig á biðlista.
Þátttökugjald er kr. 4.000. Allur ágóði rennur til góðgerðarmála.
Ath! Börn 14 ára og yngri verða að hlaupa í fylgd með fullorðnum. Skráningargjald 1.000 krónur fyrir þau.
Athugið að hægt verður að afskrá sig og fá þátttökugjöld endurgreidd til og með 31. maí. Eftir það verður ekki endurgreitt, en óskað er eftir að hlauparar tilkynni forföll svo hægt verði að bjóða þeim sem eru á biðlista sæti í hlaupinu. Ekki verða framkvæmdar nafnabreytingar.
Flokkaskipting og tímataka
Keppt verður í karla og kvennaflokki.
Verðlaun
Verðlaun fyrir fyrstu sætin í karla- og kvennaflokki og vegleg útdráttarverðlaun.
Þátttakendum boðið upp á hverabrauð Erlu, Egils gull, Kóknómjólk, Hleðslu og reyktan silung frá Útey að loknu hlaupi.
Annað
Aðgangur að baðstaðnum, Laugarvatn Fontana verður innifalinn ef sóttvarnareglur leyfa sem og aðgangur að sundlauginni á Laugarvatni.
Til að forðast umferðaröngþveiti niður við vatn er þátttakendum bent á að leggja bílum sínum á malarvellinum sunnan við íþróttahúsið.
Nánari upplýsingar
Hjá Grímu á netfangi: grima@ml.is.