Kerlingarfjöll Ultra er nýtt utanvegahlaup og fyrsta hlaupið sem haldið hefur verið í Kerlingarfjöllum.
Hlaupaleiðirnar liggja um sundurskorin háhitasvæði, hyldjúp gljúfur, jökulfláka, ægilega fjallstinda og að sjálfsögðu fram hjá Kerlingu — dranganum sem fjöllin draga nafn sitt af.
Hægt er að velja um þrjár vegalengdir sem munu leiða þátttakendur um þessa mögnuðu náttúruperlu:
- 12 km
- 22 km
- 63 km
Skráning er hjá netskraning.is.
Innifalið í skráningarverði eru matur og drykkir á meðan hlaupinu stendur, vegleg máltíð að keppni lokinni og aðgangur að Hálendisböðunum.