Isavia innanlands ætlar að opna flugvöllinn og hleypa hlaupurum inn á flugbrautina til að taka þátt í Miðnæturhlaupi Reykjavíkurflugvallar. Hlaupið fer fram þriðjudaginn 4. júlí kl. 23:00. Sameiginleg upphitun hefst kl. 22:45 við rásmarkið.
Staðsetning
Hlaupið byrjar fyrir framan viðbúnaðarþjónustu flugvallarins, þar sem hleypt verður inn að framan og í gegnum bygginguna. Ákveðið verður á hlaupdegi hvort hlaupið verður réttsælis eða rangsælis og fer það eftir vindáttinni.
Skyldubúnaður og varúðarráðstafanir
- Hlauparar þurfa að vera í sýnileikavesti eða skærum fatnaði til öryggis. Hægt er að fá lánað sýnileikavesti á staðnum hjá Isavia.
- Gæta þarf þess að vera ekki með neina lausa muni á sér eða í vösum og tilkynna samstundis flugvallayfirvöldum ef fólk telur sig hafa týnt einhverju út á flugbraut.
- Með reglulegu millibili verða viðbragðsbílar flugvallaþjónustunnar með eftirlit. Flugvöllurinn er lokaður en sjúkra- og neyðarflug er alltaf möguleiki og koma þau þá með fyrirvara. Ef viðbragðsbílar kveikja á blikkljósum og blása í þokulúðrana, þurfa hlauparar að ryðja flugbrautina strax yfir á akbrautina og koma sér til baka að startinu.
Vegalengdir
- 3,5 km
- 7 km (sami hringur hlaupinn tvisvar)
Skemmtileg og slétt hlaupaleið og frábær upplifun. Engin drykkjarstöð í hlaupinu, bara við endamark. Engin tímataka.
Hlaupaleiðir
Sjá kort hér neðar í lýsingunni.
Skráning og skráningargjöld
Skráning fer fram hér á hlaup.is, sjá efst á þessari síðu. Skráningargjald er 1.900 kr í báðar vegalengdir. Þátttakendur hlaupa á eigin ábyrgð. Max 200 manns í hlaupið.
Skráning er opin til kl. 20 á hlaupdag þann 4. júlí.
Útdráttarverðlaun
Útdráttarverðlaun þar sem dregið verður úr öllum skráðum þátttakendum.
Þjónusta
Við endamark verður boðið upp á létta hressingu.
Aðrar nauðsynlegar upplýsingar fyrir hlaupara
Á kortinu er sýnd rauð ör, en þar verður hleypt inn að framan og í gegnum bygginguna (sjá líka mynd hér fyrir neðan). Ákveðið verður samdægurs hvort hlaupið verði rangsælis eða réttsælir m.t.t. vindáttar um kvöldið.
Með reglulegu millibili verða viðbragðsbílar flugvallaþjónustunnar. Flugvöllurinn er lokaður en sjúkra- og neyðarflug er alltaf möguleiki og koma þau þá með fyrirvara. Ef viðbragðsbílar kveikja á blikkljósum og blása í þokulúðrana, þurfa hlauparar að ryðja flugbrautina strax yfir á akbrautina (gular pílur) og koma sér til baka að starti/marki.
Grænt svæði eru möguleg bílastæði.
Nánari upplýsingar
Þórður Reyr Arnarson: thordur.arnarson@isavia.is