"Mitt eigið Everest - Góðgerðarnáttúruhlaup" er ný áskorun í viðburðinum "Mitt Eigið Everest - Útivistardagur á Úlfarsfelli" sem haldinn hefur verið á Uppstigningardag undanfarin ár.
Náttúruhlaupið er viðburður til fjáröflunar fyrir Empower Nepali Girls samtökin og rennur allur ágóði dagsins óskiptur til samtakanna en þau styrkja nepalskar stúlkur úr lægstu stigum þjóðfélagsins til náms.
Markmið hlaupsins er að fara eina, tvær, þrjár eða fleiri ferðir á Úlfarsfell eftir sem fjölbreyttustu leiðum. Allir geta tekið þátt, farið eins margar ferðir og þeir vilja, á þeim hraða sem þeim hentar því hver og einn finnur sér sitt eigið Everest. Tilgangurinn er að skora á sig og fjölskylduna, fara jafnvel aðeins út fyrir þægindarammann en fyrst og fremst að hafa gaman.
Þátttökugjald, sem rennur óskipt til styrktar samtakana er 2.500.- á mann og/eða frjáls framlög að eigin vali. Þátttakendur millifæra skráningargjaldið inn á reikning Íslandsdeildar Empower Nepali Girls nr. 1161-26-2200, kt. 420317-0180 og senda kvittun fyrir greiðslu á engiceland@gmail.com
Hlaupa- og gönguhópakeppni
Viðburðurinn er ekki bara einstaklingsáskorun heldur einnig keppni milli hlaupa/gönguhópa um fjölda ferða.
Tekið verður við skráningum ferða á sérstöku vefformi sem birt verður á Facebook viðburði á Uppstigningadag. Útdráttarverðlaun í boði!
- Allar ferðir sem farnar eru á Úlfarsfell frá kl. 6 til 24 á Uppstigningardag telja í keppnina.
- Ekki verður sérstakt start/rásmark/mark til þess að dreifa þátttakendum yfir lengri tíma á fleiri stíga og þannig tryggja öryggi og sóttvarnarreglur.
- Ferðirnar þurfa ekki að vera farnar samfleytt.
- Ferðirnar mega vera frá hvaða upphafsstað gönguleiða upp að vörðunni á (efri) toppnum og aftur niður eftir annarri eða sömu leið.
- Engar grunnbúðir verða settar upp í ár en gönguleiðin sunnan megin frá Skyggnisbraut og varðan á toppnum verða að venju skreytt í Nepölskum stíl.
Einstaklingsmet fyrir fjölda ferða var sett á Uppstigningardag 2019 og stendur í 13 ferðum yfir daginn, samtals 50 km. Atlaga að meti þarf að vera skráð og staðfestanleg með track.
Úlli4Ever(est) hlaupaleiðin á Strava ~15km
Dæmi um fjölbreytta, skemmtilega en krefjandi leið er að fara fjórar ferðir í slaufum aldrei upp og niður á sama stað nema í upphafi og endi, sjá kort á Fatmap og kort á Kuula.
Þessi hlaupaleið verður sett upp sem "Strava segment" fyrir áhugasaman hlaupara.
Þátttakendur í "Úlli4Ever(est)" þurfa að hafa aðgang að Strava hreyfingarforritinu og skrá sitt hlaup sem æfingu á Strava. Keppni er yfir daginn á segmentinu. Engar brautarmerkingar verða og því mikilvægt að kynna sér segmentið vel eða hafa track í hlaupaúrinu.
Hraðasti hlauparinn fær viðurkenningaskjalið "Úlli4Ever(est) garpurinn 2021"
Náttúruhlaupurum sem taka þátt er skylt að taka tillit til annarra sem eru á fjallinu á sama tíma og virða tilmæli um fjarlægðartakmarkanir og stærð hópa (sjá covid.is). Við erum öll almannavarnir. Hlauparar taka þátt á eigin vegum og eigin ábyrgð.
Um hlaupa-/gönguleiðir
Á Úlfarsfellið eru að minnsta kosti 9 ólíkar gönguleiðir. Þátttakendur eru hvattir til þess að nýta sem flestar leiðir til þess að dreifa álagi og upplifa fellið á nýjan hátt.
Takmarkaðar brautarmerkingar verða því á fjallinu enda er frjáls aðferð í boði og stígar nær allir bæði merktir með stikum slóðum. Þó verða helstu beygjur neðan til í “Úlfarsfellsblóminu” merktar.
Nánari upplýsingar
Um allt sem viðkemur góðgerðarhlaupinu veitir Óskar Þór Þráinsson í netfanginu oskarthr@gmail.com eða í síma 659-8000.