Mottumarshlaupið verður haldið í fyrsta sinn á hlaupársdag, 29. febrúar, kl. 18. Hlaupið fer fram á bæjarmörkum Kópavogs og Reykjavíkur, í Fossvogi.
Hlaupið markar upphaf Mottumars í ár. Hlaupið er einstakt í sinni röð og hentar öllum.
Ástæðan er einföld. Boðið er upp á 5 km löglega mælda braut, með eða án tímatöku en einnig er boðið upp á að fólk hlaupi eða gangi styttri vegalengd, allt eftir vilja eða getu hvers og eins, án tímatöku.
Allir geta tekið þátt, hraðir hlauparar jafnt og þau sem vilja ganga eða skokka til stuðnings pabba, afa, frænda og öllum hinum.
Þátttökugjald:
- 5000 krónur fyrir 12 ára og eldri – Mottumarssokkar fylgja með
- 1500 krónur fyrir börn yngri en 12 ára – Mottumarsbuff fylgir með
Boðið verður upp á upphitun fyrir hlaup og drykki að loknu hlaupi.
Við lofum stuði og stemmningu um leið og við hreyfum okkur til stuðnings góðum málstað!