North Ultra og North Half Fjallakofans

Þátttökugjald

  • North Half 25 km10.000 kr
  • North Ultra 56 km20.000 kr

Um hlaupið

  • Vegalengdir25 km, 56 km
  • Dagsetning27. ágúst 2022

North Ultra hefur verið slegið á fresti þar til 2023 vegna ýmissa ástæðna.

Fyrsta North Ultra hlaupið sló í gegn og nú er komið að því að skrá sig í North Ultra 2022! Viltu vera með í erfiðasta (og skemmtilegasta) partý ársins?

Klukkan 8:00 laugardaginn 27. ágúst 2022 verður North Ultra hlaup Fjallakofans ræst og kl 12:00 verður Half North hlaupið ræst.

Tröllaskaginn er eitt mikilfenglegasta fjallendi Íslands og liggur fyrir miðju norðurlandi á milli Skagafjarðar og Eyjafjarðar. Skaginn er fjöllóttur og ná margir fjallatindar yfir 1200m yfir sjávarmál og nokkrir yfir 1400m. Djúpir dalir skerast inn í fjallendi Tröllaskagans en þeir eru mótaðir af greftri vatnsfalla og svörfun skriðjökla á jökulskeiðum ísaldar. Skaginn er einnig ríkur af öðrum náttúruauðlindum svo sem fjölskrúðugu fugla- og plöntulífi og jarðminjum ýmiskonar. Kyrrðin í fjöllunum, fuglasöngur, öldugjálfur - allt og meira til í boði á Tröllaskaganum!

North Ultra 2
Frá Tröllaskaga

Samgöngur á Tröllaskaganum eru góðar, bæði innan sveitarfélaganna sem og við nærliggjandi byggðir. Nyrst á Tröllaskaganum liggja tvö sveitarfélög; Dalvíkurbyggð og Fjallabyggð.

North Ultra hlaupið mun leiða þig frá Dalvík, yfir til Ólafsfjarðar, niður Héðinsfjörð og loks til miðbæjar Siglufjarðar. Í hlaupinu fylgjum við fornri samgönguleið sem notuð var á árum áður fyrir bréfburð, matarflutning o.m.f. Einstök náttúrufegurð heltekur þig, þar sem slóðinn er umkringdur ósnortinni náttúru og mikilfenglegu útsýni.

Half Ultra hlaupið leiðir þig forna þjóðleið frá Ólafsfirði til Siglufjarðar og það sama á við þar og í North Ultra þú munt aldrei gleyma útsýninu.

Tröllaskaginn hefur fyrir löngu sannað sig sem frábært svæði til hvers konar útivistar á öllum árstímum, en yfir sumartímann er þetta algjört kjörlendi fyrir þau okkar sem stunda fjallahlaup.

Hlaupaleiðir, skráning og verð

Skráning fer fram hér á hlaup.is, sjá efst á þessari síðu. Þátttökugjöld eru endurgreidd að fullu til 1. júní 2022. Nafnabreyting er leyfð allt að 14 dögum fyrir hlaup. Engar breytingar eru í boði eftir þann tíma.

Skráning er opin til og með 31. júlí eða þar til 200 manna hámarksfjölda í hvor grein er náð.

North Ultra

  • Hlaupaleiðin er frá Dalvík og inn á Siglufjörð. Hlaupið er yfir fjalllendi og niður í firði. Dalvík - Ólafsfjörður - Héðinsfjörður - Siglufjörður
  • Kort af hlaupaleið North Ultra
  • Tímatakmörk 12 klst
  • Skráningargjald er 20.000 kr
  • Aldurstakmark 18 ár
  • Hámarksfjöldi hlaupara: 200
  • Hlaupið hefst kl 8:00

North Half

  • Hlaupið er frá Ólafsfirði yfir á Siglufjörð.
  • Kort af hlaupaleið North Half
  • Skráningargjald er 10.000 kr
  • Aldurstakmark 18 ár (16 ára í fylgd með fullorðnum)
  • Hámarksfjöldi hlaupara: 200
  • Hlaup hefst kl 12:00

Innifalið í verði
  • Tímataka og númer
  • Verðlaun fyrir efstu 3 sæti í kvenna- og karlaflokki
  • Finisher medalía - fyrir alla sem klára hlaupið
  • Rúta frá Siglufirði á Dalvík/Ólafsfjörð OG frá Siglufirði á Dalvík/Ólafsfjörð eftir hlaup (bókun fer fram fyrir hlaup)
  • Flutningur á dropbag tösku frá Dalvík á drykkjarstöð á Ólafsfirði og síðan til Siglufjarðar (North Ultra)
  • Brautargæsla og öryggisgæsla Björgunarsveita - í fjallalendi
  • Salernisaðstaða við rás- og endamark
  • Drykkjarstöðvar

North Ultra
Ægifögur sýn blasir við hlaupurum

Dagskrá hlaupadags
  • Kl. 8:00 - North Ultra Fjallakofans ræst á Dalvík
  • Kl. 12:00 - North Half Fjallakofans ræst á Ólafsfirði
  • Kl. 14:00 (15:00) - Fyrstu hlauparar koma í mark
  • Kl. 16:30 - Verðlaunaafhending. Verðlaun verða veitt fyrir fyrstu þrjú sætin í hvoru hlaupi fyrir sig, bæði í karlaflokki og í kvennaflokki.

Nánari upplýsingar

Heimasíða hlaupsins - www.northultra.is

Skilmálar hlaupsins

Nánari upplýsingar veita Helga María eða Gestur Þór (helga@sb.is / thor@wildtracks.is)