Skúli Craft Bar ætlar að standa fyrir hressandi skemmtihlaupi, laugardaginn 17. júlí kl. 11.00.
Að lokum hlaupsins verður boðið upp á frían mat og einn bjór fyrir hlauparana og gildir hlaupanúmerið sem greiðsla fyrir það. Maturinn er frá Fiskmarkaðinum og bjórinn frá Skúla Craft Bar.
Hlaupið er í samstarfi við Sumarborgina.
Hlaupaleið og tímataka
Hlaupaleiðin er 10 km skemmtileg leið (sjá kort fljótlega). Rásmark og endastöð verður í Fógetagarðinum.
Tímataka verður með flögum.
Skráning og afhending gagna
Skráning í hlaupið er hér á hlaup.is, sjá efst á þessari síðu og verður skráning opin til kl. 24 fimmtudaginn 15. júlí.
Ókeypis verður í hlaupið en takmarkaður fjöldi sem kemst að, 120 hlauparar. Aldurstakmark í hlaupið er 20 ára.
Afhending gagna er á Skúla Craft Bar frá kl. 16.00 föstudaginn 16. júlí til kl. 10.30 laugardaginn 17. júlí.
Nánari upplýsingar
Björn Árnason, Skúli Craft Bar, netfang: bjorn@skulicraftbar.is