Þátttökugjald

  • 5 km - 15 ára og yngri1.500 kr
  • 5 km - 16 ára og eldri3.000 kr
  • 10 km - 15 ára og yngri1.500 kr
  • 10 km - 16 ára og eldri3.000 kr

Um hlaupið

  • Vegalengdir5 km, 10 km
  • Dagsetning1. maí 2021

Stúdíó Sport hlaupið er nýtt hlaup sem hlaupahópurinn Frískir Flóamenn halda í samstarfi við verslunina Stúdíó Sport á Selfossi þann 1. maí. Frískir Flóamenn hafa áður haldið Jötunnhlaupið (2017-2019) og þar áður Hlaupið eins og vindurinn/Intersport/Byko hlaupið.

Hlaup fyrir alla, unga sem aldna, byrjendur sem lengra komna!

Vegalengdir

Keppt er í tveimur vegalengdum, 5 km og 10 km.  Brautin er flöt og því vænleg til góðra afreka og hafa margir hlauparar náð sínum bestu tímum í hlaupum á Selfossi.

Vegna takmarkandi sóttvarnarreglna verður framkvæmd hlaupsins með öðru og breyttu sniði en upphaflega var áformað og því miður verður ekki fært að halda krakkahlaupið þar sem fyrirséð að því fylgi meiri hópamyndun

Mæting og endamark er við verslunina Stúdíó Sport, Austurvegi 11 en fyrir ræsingu verður gengið saman að rásmarki sem er í Sigtúnsgarði/nýjum miðbæ Selfoss.  Hlaupið er til suðurs, út á Suðurhóla þar sem leiðir skiljast á 5 og 10 km leiðum.  5 km beygja til hægri og hlaupa um undirgöng inn í Hagaland og meðfram Ölfusá, undir Ölfusárbrú og að endamarki við versluninni Stúdíó Sport. 10 km beygja aftur á móti til vinstri á Suðurhólum og hlaupa til austurs í áleiðis að Austurhólum og til baka og síðan sömu leið og 5km leiðin í mark.

Kort af hlaupaleið kemur inn síðar.

Allar vegalengdir eru löglega mældar og mun framkvæmd hlaupsins taka mið af reglum FRÍ um framkvæmd götuhlaupa svo árangur fæst skráður í afrekaskrá FRÍ.

Tímasetningar

Keppni í 5 km og 10 km hlaupi er ræst kl. 10. (Athugið breyttan tíma en með því að færa hlaupið fram til kl. 10 eru meiri líkur á logni þó ekki sé hægt að lofa því 😊)

Skráning

Skráning í hlaupið fer fram á hlaup.is, sjá hér efst á þessari síðu. Opið er fyrir skráningu til kl. 21:00 föstudagskvöldið 30. apríl 2021. Einnig verður hægt að skrá sig í versluninni Stúdíó Sport að morgni keppnisdags en þá hækka öll verð.

Hámarksfjöldi í hlaupið er 200 manns.

Verð
  • Yngri 0-15 ára: 1.500,- báðar vegalengdir, hækkar í 2.000 á hlaupadag
  • Eldri 16 ára+: 3.000,- báðar vegalengdir, hækkar í 4.000 á hlaupadag

 

Verðlaun

Veitt eru verðlaun fyrir fyrstu þrjú sætin í báðum vegalengdum.  Auk þess verður fjöldi útdráttarverðlauna frá ýmsum fyrirtækjum á svæðinu, t.d. Kaffi Krús, Vor veitingum, Versluninni Motivo, Hótel Selfoss,  Riverside Spa ofl.

Tímataka og úrslit

Rafræn tímataka verður í hlaupinu. Keppendur fá afhenta flögu sem þeir hlaupa með. Engin flaga - enginn tími!

Úrslit verða birt strax að loknu hlaupi og síðar á hlaup.is og í afrekaskrá FRÍ.

Nánari upplýsingar

Upplýsingar um allt sem viðkemur hlaupinu veitir Aðalbjörg Skúladóttir á netfangið abbaskul4@gmail.com eða í síma 820-6882.