Andrea Kolbeinsdóttir og Arnar Pétursson eru langhlauparar ársins 2022 mati hlaupara og lesenda hlaup.is. Verðlaunin voru afhent í fjórtánda skiptið í dag sunnudaginn, 12. febrúar. Í öðru sæti höfnuðu Mari Järsk og Þorleifur Þorleifsson. Í þriðja sæti lentu Þorsteinn Roy Jóhannsson og Íris Anna Skúladóttir.
Andrea Kolbeinsdóttir hlýtur þennan titil í annað skiptið og Arnar Pétursson hlýtur þennan titil í þriðja skiptið.
Kosið var á milli sjö hlaupara í karlaflokki og sjö hlaupara kvennaflokki. Niðurstöður kosningarinnar eru eftirfarandi:
Karlaflokkur
| Röð | Nafn |
| 1 | Arnar Pétursson |
| 2 | Þorleifur Þorleifsson |
| 3 | Þorsteinn Roy Jóhannsson |
| 4 | Þorbergur Ingi Jónsson |
| 5 | Hlynur Andrésson |
| 6 | Baldvin Þór Magnússon |
| 7 | Þórólfur Ingi Þórsson |
Kvennaflokkur
| Röð | Nafn |
| 1 | Andrea Kolbeinsdóttir |
| 2 | Mari Järsk |
| 3 | Íris Anna Skúladóttir |
| 4 | Thelma Björk Einarsdóttir |
| 5 | Sigþóra Brynja Kristjánsdóttir |
| 6 | Íris Dóra Snorradóttir |
| 7 | Verena Karlsdóttir |
Upplýsingar um afrek hlauparanna sem lögð voru til grundvallar kosningunni er hægt að lesa um í frétt á hlaup.is. Hlaup.is mun svo birta viðtöl við hlauparana í kvöld.
Hlaup.is þakkar stuðningsaðilum sem gáfu verðlaun, Sportís, Íslandsbanka og Icelandair.
